Diinitte Salaam Akkewaytek Bood Sababitte Tekkeh Mataxiga-Naharsi Malaak Dr Abiyyi Acamd

Addis Ababa,Waysu 30,2018 (FMC) Naharsi Malaak Dr Abiyyi Acamd Diinitte Salaam Akkewaytek Bood Sababitte Tekkeh Mataxiga Axcuk Qaddose.

Ummattah Awlaytiitih Malah Buxak 5Heele Taama Liggidak 30 Heele Madabiino Koboxul Naharsi Malaak Dr Abiyyi Acamd raddi Kee Addafakot Abe.

Itiyoppiyah Addal Diinitte Bood Yanim CelsiisakwXayyosan Oytitte Tanim Ascassuk Takkay Ikkah Itiyoppiyah Addal Xiini Boditte Tekkeh Axigewaytam Yescesse.

Mango Bodittey Takke Agatay,Qidaddoy,Tonnah Dagarraq Kee Cuduud Baarisanamih Boditte Kinnim Ascassuk Takkay Ikkah Itiyoppiyal Tannah Tan Boditte Tokka intawak Diini Sabab Abanamih Gabbati Yanim Kassise.

Diini Exxaxi Salam Akkewaytek Bood sababitte Akkewaytam Ascassuk Muslim Ummatta Lakqo Gaabosak koros Qari Xissam Yescesse.

Takkay ikkah, bandiititte sinni umaaneh hadafah diini bood gintaah, ken giclo abeenit bood baxcisaanam abak geytimaanam warsan.

Celalloh Xayih Arsil Yekke Boodut Umam Abeenit Kee Qaskar Fanat Yekke Booduk Sugteh Takkay Ikkah Mango Mari Diini Boodu Axcuk Baxcisak Sugenim Yescesse.

Tama Boodut Rabe 11 Yakke Marak 8 Qaskarak Sugteeh Takkay Ikkah Tama Abto Diini Sadi Axcuk Koros Akah Uguttannah Abeenih Sugenmi Baxxaqise.

Tama Yewqeh Suge Dirab Oyti Kulli Dariifal Dooro Akah Akkewaytannak Sugteeh Tama Caagidit Axaw Luk Suge Marak 22 Lowsis Gubat Hayya Heenih Fokkaqo Akak Abak Geytimanam Qaddose.