Gambellah Rakakay 8 Alfi 961 Kiilo Gram Yakke Dahab Agat Bankil Xayyosen

Addis Ababa,Diteli 2,2018 (FMC) Gaba Kaleh Yan Mizaniyyat Liggidah Gambellah Rakakay 8 Alfi 961 Kiilo Gram Yakke Dahab Agat Bankil Xayyosenim Rakakayak Maqaadin Gaddih Daddosih Biiro Tescesse.

Biirok Ciggila Saqal Nasir Macammad Iyyemihi :- 2018 Heele Mizaniyyat Liggidah Maqaadin Murti Akah Dadlisan Innal Tekke Taamomik Xaloot Geytimem Yiysixxige.

Tahak Ugut Abak 8 Alfi 961 Kiilo Gram Yakke Dahab Agat Bankil Xayyosenimit Yaabe.

Geytimeh Yan Xaloot Doolat Ta Luddal Beyteh Tan Maqatta Kee Murtissoh Ginteh Tan Assakatak Sugtem Yescesse.

Rakaakay Culenti Dudda Diggoysoonuh Dahab Maqaadin Luddal Kaxxa Doori Digirak Geytimam Kee Biiro Mizaaniyyat Liggidal 246 Miliyoonih Birrik Daga Yakke Culenta Geytem Qaddoose.

Naharsi Malak Abiyyi Acmad Talaata Ayro Ummattah Awlaytiitih Malah Buxah Adoytiitih Yeceh Yan Raddi Kee Baxxaqsal Itiyoppiya 1 Sanatih Addat Dahab Mayyaaqah Luddal 5 Ximmoy 5 Bilyoonih Dollar Geytam Duddem Baxxaqsem Kassitna.