Qafar Rakaakayak maaliyyah biiro DEC lluk cattiimak Doolat kee Doolat akke sinni eglaali Sittalluk abte Taamah kusaqih Gudgud Gexisen
Addis Ababa,Diteli 2,2018 (FMC) Ta gudguduk fakkenta abeh yan Rakaakayak maaliyyah biirok fizikal polisi kee gaddi xiinissoh saqalaay biirok ciggiila saqalah yan gifta Darasa macammad Ta gudguduk hadaf Tekkeh tan taamoomi tittalih kusaaqisak tekkem qokolakaay raqteemit faxxiima massosak yamaate sanat tayse taama aboonuh gexisan gudgud kinnim Yiysixxige.
Away gexisaanam Sanatal 2adda gexisan doolat kee doolat akke sinni eglaali abatah tan daddos taamoomi gaba kale sanatat luk sugen ikraarok abbinos maca ceelam elle kusaaqisan gudgud kinnim Qaddose.
Maaliyyah biiro eglaali abtah tan taamak kusaq kee katta abak kulli egla lehtan ikraarok adda kenlih abaluk lon gadda ayyuntah elle asisenno axcuk culen xaganak abbinos keenik kusaaqisak beytam Yescessen.
Doolat teyyeeqe tan 10 sanatih ikraaroh qokoluh mango projektittey ambalal lih abeenih sugeenik mangom ameerika cato abak sugte eglaali aliftem takkay immay daddos ikraaro akah aggiriqe waytannah aropah yuniyen AU edde anuk mango baad caddoh meqem abittoh eglaalit qokkolsimak geytimaanam Yiysixxige.
Meqem abittoh qokol abtah tan eglaali doolat ikraaro abbinowtuh kaxxa doorilem kassiiseh yan gifta Darasa Asanatih addat gino gaddih dacayriiy qaafiyataay leey buqreey baritto edde anuk baxaabaxsale daddos taamoomil qokol abak taamitta eglaaliy 6.3 bilyonih kappital leh iyya Rakaakay addal taamitak sugtem Qaddose.
Ta eglaali away gaba kala sanatih addat aboonuh yibbixen taamah ikraarok abnissol meqe xali amballayuk geytimam kee foocaffanah tan egleeli diggoosakaay kalah tan qusba eglaali akah geytimtannah macalak geytimaanam Yescesse.
Tagudgudul inkih tan eglaali abteh tan taamoomik inkih yan amolladi gabbaqittey xayyowteh tanik kulli egla abteh tan taamoomak dagooh nabam inkih tambullee sumaqta luk xayyosseeh
Abteh tan taamoomalaay meqe xalu tablaaseh tan eglaalih sumaqtah ayyuftitte acayuk a gudgud meqennal yumurruqe.
Kalifa Kadir