Rakakayak Culenti Biiro Sanat 2018 Heele Mizaniyyat Liggidal 8 Ximmoy 5 Billiyonih Birri Culentak Gaabosen-Awwal Qabdu

Addis Ababa,Diteli 6,2018 (FMC) Qafar Agatih Rakakayih Doolatak Culenti Biiro Sanat 2018 Heele Mizaniyyat Liggidal 8 Ximmoy 5 Billiyonih Birri Culentak Gaabosenim Culenti Biiroh Saqal Gifta Awwal Qabdu Qaddose.

Qafar Rakaakayih Caddol Sanat 2018 Mizaaniyyat Liggidak Culenti Ikraaro 8 Ximmoy 1 Biliyoonih Birri Kinnuuk Abbinoos Kaaduk 8 Ximmoy 5 Biliyoonih Birri Kinnih Tanim Rakaakayak Culenti Biirok Naharsi Saqal Gifta Awwal Qabdu Yescesse .

Gifta Awwal Qabdu Sanat 2018 Mizaaniyyat Liggidak Culenti Ikraaroh Abbinoos Wagittaamal Qafarak Mangaafa Ratteemah Maybalaalaqa Yecee.

Qafar Rakaakayal Sanat 2018 Mizaaniyyat Liggidak Culenti Ikraaro 8 Biliyoon 157 Miliyoon 261 Alfiiy 919 Birri Kinnim Yescesseh Yan Gifta Awwal Qabdu Abbinoos Kak 8 Biliyoon 524 Miliyoon 348 Alfiiy 133 Birri Kinnih Tanim Kee Boolatal 104 Gaba Abbinooseenih Yaniinim Yiysixxige.

Mizaaniyyat Liggidak 9 Hayto Alsal Baaxo Caddok Yemeeteh yan Afkanaak Ugutak Culenti Gaaboosoh Maysaasa ( TaxReform ) Abbinoosak Rakaakay Caddoh Ikraaro Ilaa 8 Biliyoon 904 Miliyoon 906 Alfiiy 958 Birri Fan Fayya Heenih Yaniinim Kassiiseh Yan Gifta Awwal Qabdu Amolladih ta Ikraarok Abbinoos Booltal 96 Gaba Kinnih Tanim Baxxaqise.

Abbinoos Tatre Liggidak Tabisle Wakti Luk Qeedaalisan Udduur 2 Biliyoon 478 Miliyoon 709 Alfiiy 624 Birri Kinnuuk 41 Gaba Booltal Fula Leh Tanim Diggoose.

Rakaakay Mizaaniyyat Kee Federaal Yaceeh yan Qokol Mizaaniyyata ittat Anuk Rakaakayak Awqenti Fayxi 47 Gaba Booltal Rakaakay Culentak Alifaanam Xiiqinteh Tanim QaddooseNim Rakakayak Mangaffa Rettimah Oyti Yascasse.