Qafar Rakaakayak parti kee doolat caddol 2018 liggidak taamah ikraaroh abnisso elle kusaaqisan walal gudgud Gexisen
Addis Ababa,Diteli 6,2018 (FMC) Tagudgudul geytimak yaabal fakeh yan leeda missoynak Rakaakay luddih saqalah yan gifta macammad cuseen Qaliisa 2018 ayyuntaay doolat kee parti inkittiinooy titta alliya maqarluk edde tubluuse sanatay siyaasaay maddur kee salaamal assakatle taama edde tekke kinnim qaddoose.
Tagudguduk hadaf 2018 tekke taamoomik maqarlem digoosakaay tambullee coocitte tenek massoosak 2019 liggidah tayse taamah abbinos akah yakkenna Kinnim yiysixxige.
Ta gudgudul 2018 ligiida tekkeh taamoomih gabbaaqu leeda missoynak Rakaakay luddak ciggiila saqalah yan gifta walqo xayyose.
Xayyoowe gabbaaqul meqe xiinissooysaay kee salaamaay cuggaaneenah salaam kee fantaaxaw diggoosanamaay kontro banxo waasanamaay hita maliinoh baaxok yawqeenim kalalaanam kee kalah tan mango daddos taamoomil assakatle taama tekkem Qaddowte.
Baxsalukuuy 7 heel baaxo caddoh dooroh naharal tekke gulgulussooy dooro gexsit kee maysarraqah ikraaro kee abbinos elle ikraarisen gurral yekkem dubuh hinnay irooy addah adoorot gexe takkuh macalak sugte umeenitik niya edde baxaqteeh ni baaxo cellallo takke baaxoh akak tewqe gurral abbinowtem Yescessen.
Ta gudgudih elle caboluuy miraaciini qeedaalissoh kusaq gexiseloonum timixxige.
Kalifa Kadir