Leh Tan Migaq Abtol Diggosak Geytimta Addis Ababa
Addis Ababa Isi Migaaqih Innah Qusba Qobor Baahak Kulli Ayro Qusba Weloola Saritak Geytimta.
Ta Magaala Aydaadul Tubleh Axigewayta Rakiibo Daddosih Xisney,Qaxmaqaane Kee Qasriino Tabsih Milaagih Addat Geytimak Le Migaq Kee Abtota Inki Tanuuk Tensememeqeh Geytimta.
Magaalal Yekkeh Yan kaxxa-kaxxa koridor Daddos Ceena Luk Sugte Gititte Baarisak Saytunaane Le Shariqitte Fanah Korisen.
Magaala Daddos alfittel Loowima Qunxaaneytah Elle Suga Sarrimanele Taamah Saami Ginaanamal Kaxxa Doori Digirte.
Magaalah Ayyuntah Bica Luk Sugewayte Ibi Gitittey,Anxaxin Arooca Kee Saykil Gititte Baar Luk Xissimte.
Qasriino Le Shariiqa Koranay,Digital Mamaxxagah Cogaddi Kee Amni Kameraari Addis Ababa Yan Qax Akah Bahtanna Kee Amaanat Le Magaala Akah Takkennah Tet Abte.
Tama Magaala mangoh tan Embaasitte kee baad caddoh exxaaxih fanteena Kinnuk New York kee Genevah Magaalak Ciggilak Baadak Diplomasih Inayta Tekke.
Afrikah Egla Kee Baad Caddoh Institutionitteh Daffeyna Kinnuk Afrikah Siyaasa Kee Diplomaasih Margaqah Fanteenal Leh Tan Arac Maqarrosak Geytimta.
Magaala Qasriinole Baadak Konferensih Fanteenaani Kee Mangoh Tan Fayyale Huteelitte Xisak Geytimta.
Baadak caddoh cutuukak Leh tan huteelitteey, qaran-fayyale xisneenaa kee qasri sigmah mandaritte magaalak ardi Weelo Kulli Uddur Milaagimak geytimta.
Koridor kee daqar qaxih dadalih cugaysoosa, anxax parkitte, kee koona cutukta le huteelitte baarimtem magaala Iro Qibinih Arcibah Kaxxa Saami Ginte.
Inkittiinoh Barkiiy, Entoto Parkiiy, Kataysiinih Arac, Kee Qusba Saynis Muuziyeem Inkih Tan Dariifa Magaala Anxaxin Daddosih Astooti Abak Geytimta.
Addis ababa ayrô mawqah afrikal qidaddo Angagoyitte Elle Ambulluk Geytimta magaalooluk tiyak teyna Kinnuk Gaddaloolak Bicale Wasbeena Tekke.
Itiyoppiyak Qaran Merrayti Addis Ababa Baadak 130 Dagga Takke Magaaloolit Saanih Angaraw leemih Safar Maritte Kee Koboxut Tangaluh Tamate Maritteh Hebelto Taqabi Sinnim Magala Akah Gufan Innah Ken Xiqsissa.
Ta dadal magaalal kulli sanatal Alafaatal Lowimta baad Caddoh maritte edde angaluk geytimta tellemmoh exxaaxi, saynis konferensitte kee siyaasâ daffeynaani meqennal Akah Arcibissannah Tet Dudusse.