Mizaniyyat Liggidal Exxaxi Xisneey,Dimokrasi Siirat kee daddos Fayyo Diggowte-Adam Farac

Addis Ababa, Ditelik 14,2018 (FMC) Gaba kale Sanat 2018 Mizaniyyat Liggidal Exxaxi Xisneey,Dimokrasi Siirat kee daddos Fayyo Diggowteem Leeda partik Ciggila Prezdenti Kee Kutbe Buxah Saqal Adam Farac qaddose.

Leeda Partik Sanat 2018 heele Mizaniyyat Liggidat Tekke Taamomik Gabbaqu Kee Sanat 2019 Miracini Ekraarok Mabbalow Gudgud Addis Ababal Gexsitam Qimbise.

Tama Gudgudul Leeda partik Ciggila Prezdenti Kee Kutbe Buxah Saqal Adam Farac Edde Anuk Kutbe Buxak Luddi Saqoltiy,Ciggilta Maloktitiy,Kalah Kutbe Buxaaxih saqolti Kee Doolatak fayyole Mirocti Edde Tengele.

Adam Farac Tama Aracal Iyyemihi :-Mizaniyyat Liggidal Exxaxi Xisneey,Dimokrasi Siirat kee daddos Taamomil Dudda Le Xalotitte Tunkuttubem warse.

Leeda partih Xisney,Gexsit Kee Abbinos Diggaluk Elle yekke Sanatak Sugtem Kee kalah mangoh Tan Hadafitte Dudda Luk Aracat edde gacte Sanatak Sugtem kassise.

Kulli Ayyunti Kulli Hadafat Angaluk isinnil tan Dirkittek Akah yawqen Innah Abeenimiy Axcih Leeda Partih Xaqut Soolak 7 Heele Amolladi Doorol Duddale Xongolo Edde gen sanatak Sugtem Yescesse.

Asaakuk Abbixuk Sittallakleh Namma Ayroh Gide Suguwa ta Gudgudul Sanat 2018 heele Mizaniyyat Liggidat Tekke Taamomik Gabbaqu Kee Sanat 2019 Miracini Ekraarok Kaxxa Walala Abak Afkanitte Elle daffeselon Axcuk Leeda Parti Tiysixxige.