Qaafiyatah Elle Mannowan Dariifa Tabsaanam Kataya Hori Away Yan horal le Gaara gifta-Gaddo cammoolo
Qafar Rakaakayak dariifa dacayrih abbootanak naharsi saqalah yan gifta Gaddo cammoolo saytun itipiya tamaate horal tabisnay inta maxcol yamaate caadah Rakaakay caddol yassakaxxoonu waan 3 alsih saytunaane taddira wagsiisaak maybalaaqa yece.
Dariifa saytunaanenkee Qaafiyat le mano ginaanam Kinnim yeexegenim Kee Marak qambaalaanam hinnay inkih yan sahdayti baxal tan dirki kinnim aaxaguk amook koobaahisaanam dariifa dacayrih abbootanih masquliyat takkay immay abbinoosaanam inkih tan ummattal tan dirki kinnim qaddoose.
Yamaate caadah qimbisiisiyyi aysaxaaxag akak yakkuwaa karmak saytunaane taddiiray 3 alsa sugtu waytat silayti milaagih kalaluuy magaalol nadaafattay gino dacayrih taama inkih akkelem yiysixxige.
Dariifa dacayri iyyaanam sahdayti baxi elle mannoowah yan baaxoh bagul qaafiyatal taqabi bahtaamak curri te abaanam kinnuuk away gexsitu waa gaadul ayyuntak tuced elle tayya haan gurra kee abinah taamah edde elle culan exxah kurak sayhdayti baxal qaafiyat taqabi katassahaytaamak naggowte dariifa ginaanamal yayse xaloot geytimuh ikraariseenih yaniinim qaddoosen.
Ta gaadih addataay lafaluk elle taamitoonu waanam qusba cood daabisaanam iee suge ciox hanaawisaanamaay, leek saytunaane dacrisaanamaay silaytu wassakossa hayta abinitte waasaanamaay magaalooluk guddafa ceelewaytakkel qidaanam kee cararisaanam waasak magaalol saytunaane dacrisaanam kee dubaala dacrisaanam kinnim Yescessen.
Inkih yan ayyunti silayti xarraboosuk inikih yan qer waasaanamay guddafa lee akak wassakossam xiqta darifal caxewaanamay magaalol addal guddaf qidaanam kee cararisaanaay caxa artaquk garbo bayisaanamak isinni yabbixeenim faxximtam kassise.
Dariifa dacrisak saytun dariifay qaafiyat le manoh elle mannoowaanam xiqaana ginak tayse manoh elle mannoowan fariifa tabsaanam tamaate hora awaytan horal le dirki kinnim aaxaguk tamaate horah tayse mano ginaanamal inkih yan ayyuntaay diolat kee kalah tan maglab lee taamittam faxximtaamih farmo tatruse.
Kalifa Kadir