Qafar Rakaakayak dariifa dacayrih abootan sidoc heele addah taddiiray saytun itopiya horáh inta maxcol gexisaana asaaku baabaxsale abtootal asaaku qimbisen
Addis Ababa,Ditelik 19,2018 (FMC) Ta taddirah qimbisiisil coox daabissooy baaxo nadaafatta gexiseeniik gamadal panaal walal Gexisen
Ta taddiiral geytimaak yab abeh yan Rakaakayak ciggiila perezxanti massakaxxale Qumar Nuur Qarba
Baad caddol tanihbtan dalkookiy raba fan beyta boolul 25 gabaak daga guddaafaay nadaafatta sinnakbtabbice biyaakitte kinjim aaxaguk saytunaanel takkehvtan taamat yalleenim faxximta gabat aglel kulli mari isi dirkik yawqem faxximta.
Ni rakaakayih caddol ennata magaalol qunxah axcekkahaay tata giti culaal macula axcekkah inkihbtan magaalol inki bisle nadaafatta akahbtaallennah gubaay daga yan miraaciini maqarluk taamitam faxximta yaanam iyye.
Rakaakay caddol wagsissa sekterwak makaado akah xiseenim takkay immay addah oobisak koobaahissa makaado akah xisak a 3alsih taddiirak meqennal awquk nadaafatta dacrisaanam qaada akah tekkeh raqtannal taamitaanam faxximta yaanam iyye
Nadaafatta dagnak tabbixe lakimittek kalaloonuh aban taama kulli num isi baxaay isi buxaaybisi nabsih qaafiyatah aba taama kinnim aaxagukuuy inkih yan ayyuntiinoh kinnaane cankaay daalaak qimbissam aaxaguk tahangisso ayyuntat tabisaanamal miraaciini isih ceelallo yakkem faxximtaamih farmo tatruse
Tawalal muquk temeeteenil fakeh yan rakaakayak dariifa dacayrih abbootanak miraacah yan gifta Gaddo cammoolo saytun itopiya iyyaanam dubuh wasaakatak saytunnaasaanam hinnay qaafiyataay maaqiddi caabiiy maddur dadal inkih addatle maxco kinnim qaddooseeh
A gudgudduuy saytun baaxo ginaanam sahdayti baxak mano kee anewayat axawlem aaxguk saytun baaxo ginaanamal yallankee xagan tittalih elle culoonuh bice gudgud kinnam yiysixxige.
A taddirah walal qaafiyat leeh sabhalal le manoh xiina ayyunta ginaanamal yibnixen ikraaro abbinoowak meqe xalu geytuh fiddima yakku xiqa walal kinnih tanim qaddoose.
Dariifa dacayri wagsiisaak taqweh tan poliisi kee taddiiraari abbinoosaanam dariifa dacayrih abbootanih masquuliyat takkay immay baaxo saytunaanek meqe xali elle geytima gurral abbinoosaanam miraaciinuuy baaxo kasleey qokol abáá kee inkih yan ayyunti exaaxil tan dirkiy kulli mari isi loftak akak yawqem faxximta kinnim Yescesse.
Federaalak dariifa dacayrih abbootanak naharsi miraacah tan Dr lelisa lamey baaxo caddol milaagi doolat yemeeteek gamadal naharsi malaak Dr Abiy Acmad meqe mablal dariifa dacayril mango taamoomi akkuk temeetem kassiise.
Gino kee sahdayti abtok inkih tabbixeh tan baaxo bayissaah dariffa wassa kossaah sahdayti baxih qaafiyatal raba fan beytah tan taqabitte raaqisak saytun itopiya ginaanamal baaxo caddol assakat le taamah xaloot amaballyuk geytimam tiysixxige.
Baxsalukuuy algin raatih taddiiraay magaalol korixeriiy daqar qaxih nadaafatta kee xisneey baaxo wassakossa plastic xalootih waasol gexxe margaqa edde anauk qaafiyatle manoh elle mannoowan saytun itopiya xisaanamal takke taamoomi baxalraqtoh kaxxa doori lem kassiisse.
Away yakke dariifa saytunaaneh gaaduy saytun itopiya horáh inta maxcol gexisaana elle muggaaqisen migaaqal yayse xalu bahtuh inkih yan dagar isil tan dikik yawqem faxximtam tubluuse.
Agudgudul dariifa dacayrih taamal meqe taama kee aysaxaaxagaay faxxiima oytih tabaatabsal meqe taama abteh tan dagortih sumaqtah acwa acayuk meqennal yumurruqe.
Kalifa Kadir