Rakaakayak Buqre Kee Ginô Gaddih Daddoosih Biiro Daqoorit Kee Magaalol Xiinissoosah, Buqre Mansoofah Qokol Abak Geytimtam Yiysixxigen
Addis Ababa ,Ditelik 22,2018 (FMC) Qafar Agatih rakaakayih doolatak Buqre kee Ginô Gaddih daddoosih biiro 28 daqar kee 6 Magaalol xiinissoh Baxaabaxsa le Buqrê satqooqih qokol abte.
Ta qokol aracal geytimeh yan Qafar rakaakayak ci/president bilhadal Maddur kilasterih koobaahiseey, tonnah rakaakayak plan kre daddos biirok naharsi Saqal Massakaxxa le Qali Macammad Macmuud iyyeemih Ethiopiah doolat buqrê daddoosuh tibbixeh tan baxsa le ekraarok ugutak, Qafar rakaakayih doolat Buqrê daddoosul yayse xalu yaskutubem xiqa saami le rakaakay kinnim warse.
Baxsa luk Faxe qaynatih buqre elle takkem xiqta baaxoy gibdi fida faxsiise sinni linom kinnuk, buqre taamak meqe xalu geynu xiqnam cubbit haak, Gabâ makalak awquk murtisso fan abna cankakkaabiyol taane kal kulli num isik qambaalimta taama abam faxximtam kassiise.
Tonnah ta qokol aracal geytimeh yan Buqre kee Ginô gaddih daddoosih biirok Naharsi saqal Massakaxxale Eng’r Yaasin Qali Qusbaan iyyeemih, Qafar ayyunti gabâ makalak yawquh a sanatal nibbixeh nan ekraarok ugutak Warraye 2 ayyaamak qimbisak 9 daqar 1 magaalah xiinissoh baxaabaxsa le buqrê satqooqah qokol keefo akkuk geytimtam kassitna.
Toh tonnal Karmâ buqreh Gaaduy Qimbisneh nani aracat gacuuy, tonnah Ni ayyunti makalak murtisso fan tabuh, takkem faxximta taamoomik naharsi caddol tanih tan buqrê daddoosih taamah a qokol kaxxa doori lem warse.
Eng’r Yaasin Qali Qusbaan Qagitak iyyeemih Sanat 2018/19 Murti sanatal abnu wayna buqrê daddoosih taama cubbit haak, warraye 2 ayyaamak Qimbisak da baxaabaxsa le Projectittet luk cattiimak geyneh nan buqrê satqooqay 28 daqar kee 6 takke magaalâ xiinissoh yakke qokol kinnim kee
Toh innah nan wak, 1,079 kuntal Qelbô dariyyuuy, 300 kuntal sirray dariyyuuy, 20.1 kuntal Teef dariyyuuy, 15 kuntal Basal dariyyuuy, 2 kuntaal timaatim dariyyuuy, 2513 kuntal Bullaaqê mexaabariyah dariyyuuy, 2679 Litir Buqreh alih ( chemical) summiiy, 29 takke solar pumpitteey, 16 takke motor cycle edde anuk mangoh tan buqrê daddoosih taamah libdo yakkem duuda qokol kinni.
Tonna kinnuk, a saaku abneh nan biqrê satqooqih qokol a sanat dibuk hinnay fooca fanah murti kee murtissô yaysiisoonuh edde nantifiqem xiqta materialitte kinnuk akah faxxiima mara le waktil gufusak, akah yemcewwe hadafal asam faxxintam kassiise.
Edde caboh daqorti kee magaalol xiinissok qokol akah aben xagortih baxaabaxsa le daddos afkanitte acayuk Qokol tabsih taddeera meqe innal tumurruqem Rakaakayak Buqrê Kee Ginô Gaddih Daddoosih Biirok Geyne Oyti Yascasse.