Kaxxa Hangi Faxxah Tan Gita Maliinoh Yakke Sehdayti Baxih Safarih Tabatabaa

Addis Ababa,Ditelik 23,2018?(FMC) Gita Maliinoh Yakkeh Yan Sehdayti Baxih Safarih Tabtabsi Kaxxa Hangi Faxa Caagid Kinnim Baadak Dabboh Egla Qaddose.

Baad Caddok Gita Maliinoh yakke Sehdayti Baxih Safarih Kalalih Ayro “Duquurisiyyak Darret Yan Alayabbixe Birta” inta Itrol Addis Ababal Assakaxxuk Geytiman.

Baadak Dabbo Egla Elle Qaddossennal:- Baxsaluk Gabbi Ayro Mawqah Asiyah Dariifal Boddeh Tan Gita Maliinoh Sinam safrisa Marih Butta Baarimak Gexxama.

Itiyoppiyal Tabisle Taqabi Yanim Ascassuk Tahala Sissik Raddi Faxximam Kassisen.

Qadli Malaakah Tan Chernet Hordofa Elle Qaddossennal Gita Maliinoh Yakke Safarat Koysitoonuh Ciggila Naharsi Malaak Miracisa Butta Akah Haak Elle Taamitak Geytimanam Baxxaqsen.

Sinam Beyenit Barte Marah Hangi Acayuk Tayse Taama Samitte Sanim Ceelisak Baxabaxsale Oytitte Bicsak Taamitak Geytimanam Yescessen.

Takkay Ikkah Baxsaluk Tayyarat Aban Safaral Itiyoppiyak Yewqeenik Lakal Sinam Akah Qidan Innah Keenik Abaak Ceelewayni Taqabitte Keenil Katasanam Yiysixxigen.

Tama Qawwalaylat Biyaakiteh Yan 2 Alfiik Daga Takke Baaxo Xaylo Ityoppiyah Doolat Isi Baaxo Fanah Gacisseh Tanim Kassiiseeh Fooca Fanah Ta Taqabi Kalalitoonuh Wagitta Eglaali Lih Aysaxaaxag Abaanam Kee Wagitta Eglaali Lih Taamitaanam Faxaanah Yaninim Kassiise.