Forda Sinni Baaxo Yamaate Hora Managarsisna

Annak Nakkay Naxagah Wayneh Nan Baddi Gita Edde Gacisnam Dudna Uddur Taway Kinni

Eretra Baxsimtemik Ugut Abak Tomcowweh Tan Siysa Margaqa,Itiyoppiya Baddi Gita Akah Waytannah Saanih Yomcowwe Ellecaboh Sababa Tekke.

Ta Aydaadi Galti Ni Baaxo Baadal Mango Ummatta Allih Bad Alle Sinni Baaxo Ne Abte.

Baddi Giti Inki Baaxok Qabali Ramaday Muddaqiino Kee Geo Polotikah Silacih Abto Kinnim Tamixxige.

Itiyoppiya Mango Liggiditteh Qasa Badih Dariifal Isi Firda Luk Sugtem Takkay Immay Yunkulluke Galitik Gexxamah Baddi Forda Sinni Baaxo Tekke.

Itiyoppiya Baddi Fordak Sarrimanele Tuxxiiqi Afhime Waytem Kee Agat Dacayrih Maknay Xer Uddurih Aracal Sugte Makcagguruk Gexxaamah Baddi Forda Wayteh Tanim Tamixxige.

Baddi Giti Waytimem Baaxol Kaxxa Kasaara Kataase.

Gersi Daddosul Ase Raxxe Billiyoniyatal Loowimta Lakqo Kulli Sanatal Jabuutih Fordah Mekkelsimak Geytimta.

Forda Waytimtem Baad Tellemmol Rakuh Gacanam Kee Itiyoppiya Geo Polotikah Taqabitteh Uddur Sissikuk Akah Biyakittannah Tet Abta.

Itiyoppiya Baddi Forda Elle Waytem Nammay Takke Sababitte Kinni.

19 Heele Boolih Liggidal Taaliyan Ko Amol Ayyoh Umeenit Baddi Dariifa Beenim Qimbo Diglo Tekke.

nammeyhayto saami aydaadi saamih mattacoo.

1983 Xergih Xinto Raddeek Lakal, 1985 Tekke Ayyuntih Margaqah Addat Eretriya Inki Tanuuk Baxsimte Wak Itiyyobiya Luk Sugte Firdak Baxsimte.

Ta Aydaadi Kasaarah Essersimtam Yihaaxig Tabsi Doolat Kinni.

Eretra Baxsimtewak Itiyoppiyah Tuxxiq Hangit Haanam Faxximak Sugte.

Tah Abe Abeweenim Itiyoppiyak Baddi Fordah Cakki Akah Allewaytannah Tet Absisse.

Baxsaluk, Assab Fordak Aydaadiy, Madqa kee Ayyuntiinô Rakiibo Hangit Haak, Itiyyobiyah Doorit Baddi Fordah Dacrisewaanam Aydaadi Hoxak Sugte.

Qaki cubbit haak iroh caylitte kaaduk itiyoppiya qasa badak yayxeeroonuh addâ awlaytut xoqoysimen.

Itiyoppiya baddi alle waytuh Ganeenitih mango lakqo mekleenih tonnah kaaduk diplomaasih xukko aben.

Itiyyobiya Baddi Forda waytem Mangom 1983 Addah Siyaasah Mirocti Abteh Tan Istraateejik Hoxittee kee Xer Waktih Agat Fayxik Xex Mabalal Yacsubeenimih Sababa.

Ta aydaadi baati asaaku fan baaxô dadal kee salaam Gexekalitit Tabbixe .