Inki Ayroh Addat Baaxoh Caddok Daabisak Geytiman Anxaxin Raatih Tadderal Ila Taham Fanah 765 Ximmoy 7Milliyonuk Daga Yakke Coox Daabimeh Geytiman
Addis Ababa,Ditelik 27,2018 (FMC) Asantih Anxaxin Raatih Tadderay Akke Maacah Gexsitak Geytimal Ila Taham Fanah 765 Ximmoy 7Milliyonuk Daga Yakke Coox Daabimeh Geytimanam Buqre Malaak Addisu Aregga Qaddose.
Tama Malaak Yece Maybalalqal Iyyemihi :- Asaakih Ayro Gexsisak Geytiman Anxaxin Raatih Tadderat 24 Milliyon Takke Itiyoppiyah Xaylo Edde Tengem Yescesse.
Ila Taham Fanah Yan Caagidil 278 Alfiik Daga Takke Baaxoxa Bulumtem Kassise.
Ta Tadderah Orba Qikkibow Doolatak Dudda Tablaase Abto Kinnim Baxxaqse.