Nabah Yan Asqassabe Karawwad CNN Intit

‎Addis Ababa,Ditelik 28,2018 (FMC) Daffeyna Ameerikal Le CNN Television Exxa Nabah Yan Asqassabe Karawwad Milliyon Takke Buxaaxih Diifu Yekke Axcuk Qaddosse.

CNN Kiniyah Xaagi Qawayti Viktooriya Rubaderi Afrikak Nabah Haydaro Elektrik Karawwad Fanah Gexak Tubleh Tan Numma Baadah Baxxaqisse.

Xaaguqawayto Inteemihi Ta Karawwada Itiyoppiyah Ummatta Hebelto Marih Cato Sinnim Isinni Duddat Xiseenim Qaddosse.

145 Mitirih Fayyoy 1 Ximmoy 8Kiilo Mitirih Deddar Le Karawwad Itiyoppiya Dibuk Hinnay Dariifah Cayla Xayyosanamal Kaxxa Doori Digirak Geytimam Tescesse.

Ta Karawwad Itiyoppiyah Maduur Dadalah Mango Doori Digirtam Qaddossem Kee Wacaysirik Xabba Haanam Ilaa Dariifa Caylih Angaaraw Wacaysir Fanteena Yakkem Kinnim Qaddosse.

CNN Asqassaabe Karawwadih Gabbaaqul Mangeelah Arcibisen Nabah Itiyyobiyak Asqassaabe Karawwadak Cugayso Saqal Injiner Kifle Horo Ta Karawad 5 Alfiiy 150 Megawatt Cayla Racisamih Dudda Lem Baxaqiseh.

Itiyyobiya Karawadat Antifiquk Gubi Baaxooxa Elle Biyake Wannal Edde Antifiquk Geytimanam Kee Masri Karawwad Sabab Axcuk Le Tunkusem Celsisak Xayyosan Malkit Ane Sinni Kinnim Yescesse.

Inki numuh meqem gersi numuh umam takkem duude waytam qaddoysak Itiyoppiya ginô gaddat tantifiquh Gaar leh tanim takkay ikkah gersi baaxooxal Biyaktamih Fayxi Alle waytam baxxaqise.

Awayi Saaqatih Addat Asqassabe Karawwadih Addat Geytimta 13 Takke Turbiinittet Antifiquk 6 Miliyoonuk Daga Takke Itiyoppiyah Xaylo Edde Antifiquk Geytimtam Yiysixxige.