Itiyoppiya Tucsubem Aracat Hekkak Bari Teetil Maradamal Baadak Mangaffa Rettimaamih Sumaqitte
Addis Ababa,Ditelik 28,2018 (FMC) Itiyoppiya Inki Ayroh Addat 800 Milliyonih Tadderak Assakatal Orobtemik Baad Ummatta Qajibsitak Geytimta.
Makaayin Yakke Mari Edde Yengele Baaxoh Caddoh Taddera Wagsiisak Baad Caddoh Midiyaayik Royterisiy,Chaynak Xaagi Awlayto Shanwa Kee Etie Edde Tan.
Royteris 26 Milliyonuk Daga Yakke Mari Edde Yengelem Wagssisak Inki Maacih Addat 800 Milliyonuk Daga Yakke Coox Daabimem Tossokote.
Asanata Amolladih 8Milliyonih Coox Daabimelem Asacassuk Ila Aham Fanah 6 Ximmoy 5 Billiyonih Coox Daabimem Kee Ciggilak Ossotinah 1 Ximmoy 5 Billiyonih Coox Daabimem Yescessen.
Chaynak Shinwa Xaagi Raceena Itiyoppiyah Xaylo Inki Ayroh Addat 800 Miliyoonih Coox Daabimtemih Inkittinaane Assakat Lem Qaddosse.
Ta Tadeera Frenji Liggidak Sanat 2019 Naharsi Malak Abiy Acmad Uguugus Ugut Abak Qimbimtem Qaddosseh Tan Gabbaaqul Awayih Uddur Itiyoppiyak Inkih Tan Rakaakayittel Gaadu Cibtal Abbinoosak Geytimaanam Qaddoosen.
Shinwa elle qaddosennal inki ayroh Anxaxin Raatih Tadderat Baaxoh Addah Xayloskah Iro Baaxoh Xaylo Edde Tenegelem Yescessen.
Tadeera Yabloonuh Entotoh Dariifal Geytimeh Yan Xaagi Awlayti, Inki Ayroh Anxax Ashara Baadal Kaxxam Tuxxiqleeh Hangi Hirigta Anxax Daddosih Uguugusittek Tiyakteena Kinnim Qaddose.
Gersi Xaagi Raceena All Afrika Elle Qadosennalaay Ta Tadeera Ardi Bayisiya Kalalaanam kee Garbo Alfenta Osisak Hawa Xisneh Dariifa Ginoonuh Faximtah Tan Doori Digirele.
Anxaxin Raatih Taddera Itiyoppiyal Amaanah Sarimanele Buqre Akah Diggoosan Innah Abak Geytiman Macal Rakiibo Daffesak Geytimam Yescesse.
Baxaabaxsale Baadak Mangafah Fanteenani, APA, TV BRICS, Islamabad Postiy, The Star, Horn Diplomat, FX Biznes, Med Afrika, Charmar Xaagis, Kee Kalah tan Exxaaxi, Inki Ayroh Anxax Raatih Taddera Baarluk Xayyoosen.