Itiyoppiya Kooran Caylih Limok 477 Miliyoonih Dollar culentah Geyte
Addis Ababa,Ditelik 30,2018 (FMC) Gaba Kale Sanat 2018 Heele Mizaniyyat Liggidah Kooran Caylih Limok 477 Miliyoonih Doolar culentah Geytimem Lee Kee Elmo Malaak Qaddose.
Baxaabaxsale Cayli Raceenaanik Gombod Mali Murtisso Dadlisoonuh Abak Geytiman Taamak Yamballe Xali Geytimem Geytimem Ta Malaak Fana Dijitaalah Qaddose.
Tahak Ugut Abak Sanat 2018 Miizaaniyyat Liggidal Baxaabaxsa Le Caylih Raceenaanik 9 Alfi 730 Megawaatik Daga Yakke Cayla Racisaanam Duudumtem Yiysixxigen.
Geytimta Kooran Caylitteh Guddusso Magaala kee Barri Dariifal Kooran Cayla Geyanam Ossotinah Maqarrossuh Cato Akkuk Manago Baaxo Laylo Edde Tintifiqem Yescessen.
Tahak Kalah Kooran caylih Limok Geytima Iroh Baaxoh Lakqoh Sherfitteh Culenta Dadlisoonuh Wagiitah Yan Dagorti Lih Cattimak Taamiteenim Kassisen.
Ta Malaak Elle Qaddosennal Asanata Culentah 427 Milyoonih Dollaar Akah Yibbixen Innah Ekraarisenih Sugeenim Kee Ta Sanat Kooran Caylih Limok 477 Milyoonih Dolaar Culenta Geytam Xiqtem Yiysixxigen.
Gombod mali caylih limoh giddakiino ossoonuh macal yakkeh yanim Kee Sanat 2018 Mizaaniyyat Liggidal 31 Alfi 583 Gigawatt Saaqa Limoh Ikraariseenih Sugeenim Kee Tonnah Kaadu 34 Alfi 2025 Gigawatt Daga Limo Abeenim Oyti Yascasse.
Itiyoppiya Dariifa lih Leh Tan Kooran Caylih Angaaraw Ossotinah Diggoysoonuh Hangi Kee Koobaahissot Taamitaanam Bisoh Axcelem Qaddosen.