Rakaakayak Barittô Biiro Sanat 2018 Barittô liggidak 6haytô footimaa kee 8haytô footimak tatur ximmoh margaqa Magide Kinnim Faaticisen

Qafar Rakaakayak Barittô Biirok Miraaciini Makaadoh adoytit 2018 Barittô liggidak 6 hayto kee 8 hayto footimak aqayyaare gexsit kee Xali maca ceelam wagittaamal baar leh yan walal abeenik lakal, ahaak gubal tan tatur ximmô sitta lih Yirgiqen.

2018 Barittô liggidak 6 hayto footimak tatur ximmô…

– Labhak 43 kee tohuuk daga
– Sayyok 41 kee tohuuk daga
– dagar erkanna le barteenitik namma nadok inkih 40 kee tohuuk daga baahe barteenit tatram xiqa.

2018 Barittô liggidak 8 hayto footimak tatur ximmô kaadu.

– Labhak 50 kee tohuuk daga
– Sayyok 48 kee tohuuk daga
– dagar erkanna le barteenitik namma nadok inkih 44 kee tohuuk daga baahe barteenit tatram xiqam Biiro qaddossenim Rakakayak Doolat Angarawih Ayfaafih Biiroh Oyti Yescesse.