Turkiy,Saqud Qarabiya Kee Pakistan Isinni Maysattakak Dacrisaanam Elle Duudan Sidoc Takko Qaskariyyoh Sittin Geyitte Aben

Addis Ababa,Ximolik 1,2018 (FMC) Turkiy,Saqud Qarabiya Kee Pakistan Isinni Maysattakak Dacrisaanam Elle Duudan Sidoc Takko Qaskariyyoh Sittin Geyitte Abenim Qaddosen.

Makka Diqsita Sidoca Baaxok Qaskariyyoh Sittin Geyil Turki Prezdenti Rasib Tayyib Ordoganay Saqudiya Qargayto Nagareena Macammad Bini Salman Kee Pakistanak Naharsi Malaak Sahbaz Sharif Sittallih Gacak Sittin Gey Aben.

Tama Sittin Geyi Qaskariyyoh Fantaxaw Nagay Akah Diggosan Inna Kee Fanti Maacal Ossimak Gexxa Taqabitteh Addat Baaxoxah Amni Sittallih Dacrisanam Elle Duudan Caagidah Cato Allelem Kassisen.

Tama Sidoc Takke Baaxoxa Sittallih Abte Sittin Geyitte Faxe Maysattaka Inki Baaxot Aban Ka Tekkek Sidoca Baaxot Inkih Abeenih Gidek Lowna Elle Iyyan Sittingeyi Amni Caagida Sittallih Dacrisanam Elle Duudan Innah Kaxxa Doori Lem Yescessen.

Baxsaluk Iraanay Tonnah Cuuti Gaadulet Maysattaka Abak Geytimta Saqud Qarabiyah Kaxxa Qaskariyyoh Caro Allelem Yiysixxigen.

Pakistan Mango Sanootah Saqud Qarabiyah Qaskariyyoh Aydakakan Kee Qokol Abak Sugtem Aljazerah Xaagi Baxxaqise.