Qikkibow Doolat Ummatta Fanteena Abte Diplomasih Gexso

Addis Ababa,Ximolik 3,2018 (FMC) Baaxok iroh caagidah siyaasa elle tamqikkinem baad gudgudittel leh tan raat dubuh hinnay, baaxoh addaa kee irol tan baaxoh xayloh massakaxxa kee amni dacrisaanam kinni.

Taturte bacra sanatih addat ityoppiyak iroh caagidih siyaasa taqabi ugutta wak dibuk gacsa yaceenim hinnay sittalluk abit daddosul rakitak sugte.

Ta xisneh tabaatabsi baaxoh addah dadal kee baad caddoh diplomaasih milaagitte baxsime waytam Tablaase.

Baaxoh Addah Daddoosih Taama Baadak Diplomaasih Gudgudul Aamantinaane Kee Baad Caddol Sittaluk Angaaraw Diggoysak Kaxxa Qidaddoh Dadal Akah Yallennah Abak Geytimta Diplomaasih Istiraateeji Kinnim Qaddoosen.

Taturte 8 Sanootah Itiyoppiyah Diplomaasih Fantaaxaw Kilbatti Baaxooxa Lih Leh Yan Angaaraw Dibuk Hinnay Baddi Qaxih Baaxooxa Kee Aasiyal Geytimta Qidaddo Cayla Lih Maqarle Angaaraw Gineenim Yiysixxigen.

Itiyoppiyak Qusba Diplomaasih kaxxa hangi elle teceeh tan caagiidak tiyak teyna, Baaxo Xaylo Gabteena Abta Diplomaasi kinni.

Tahala Naharsi Malaak Dr Abiyyi Acamd Dabboh Gexak Uma Caalotah Addat Sugte Baaxo Xayloh Caagid Missosanamal Kaxxa Siyaasa Xalu Ge.

Baxaabaxsale Baaxooxa Lih Abeenih Yanin Taama Sittin Gey, Baaxo Xayloh Gaar Kee Konnabna Dacrisoonuh Beyak Geytiman Maqarle Maaqattooti Kinnim Qaddoosen.

Baaxo Xaylo Fanteenah Tan Diplomaasih Hangi Meqem kaban Leh Tan Itiyoppiyah Xaylo Dibuk Hinnay, Taqabi Le Caddot Geytimta Baaxo Xaylo Isi Baaxo Fanah Akah Yaduren Innah Duddale Saami Ginte.

baaxo xayloh hangi edde anuk dibuk baaxo fan yaduureenim hinnay kaadu asqassaabe Lennal Ken Xisak Sabhalalisanama.

Doolat baaxo xaylo culenta bahtah tan taamoomi akah tangalennah maaliyyaa kee duddi qokol akah geytannah maqar luk taamitak geytimta.