Qusba Itiyoppiya Baddi Gitay Duma Luk Sugte Geytek Elle Sugte Konnabna caddo Fanah Gacele
Dumaahi Ni Abbobtih Diggol Mangoh tan Aydaaditte Kee Mano Caadisa Luk Sugtem Kee Takkay Ikkah Taturte Soddom Sanootah baddi Gita waytem Qidaddo Kee Geo Polotikah Duddittet Waado Teetik hayteh Sugte.
Takkay Ikkah Diggole Ni Agiirah Xiqtol Geyte Currinoy Agirinni Away Fanah Uxi Ni Xagarih Addat Yan.Nanu Itiyoppiyah xaylok Duma Luk Sugne Ninni badi Forda Uxi Kinnih Geynam Faxximta.
Ta Fayxi Kee Maxco Dibuk Arraba Hinna Ni baaxoh Dadalay Baad Caddol Geyna Qusba Mafdagay Edde Culleh geytimna Nek Diggossa.
Baddi Giti Itiyoppiyak Naharsi caddoh Fayda Kee Tuxxiqi Qidaddo Currino Kinni.
Awayih Uddur itiyoppiya Billiyon Dollaral Loowimta Lakqo Forda Liiz Kee Madroh Mekelak Geytima.
Laakin Isi Baddi Forda Geytek La Awqenti kalah Tan Daddos Taamomil Asele.
Dacarsittoh Xiinay Buqre Abeeniitiy,hadaleenit Isinni Murtitte Fanat Sidoc Heele Num Cule Kalah baad Qadaagal Xayyosanamih Saami Saanih Geele.
Tawqeeh Culta Tellemmo Tisissikek Maqiishat Gala Daggoweleh Qusba Indistri dariifa Baarimeleh Milliyoniyatal Loowima Qunxaaneyti Saama Geele.
Tahak kalah baddo Forda Geyanama Geo Plotikah Bicah kaxxa Dudda Ginele.
Itiyoppiya Ayro Mawqah Afrikal Le Siyaasa Kee Amni Doori Diggosak baad Caddok Baddi Gitih Diirtat Culak Saanih Gabah Assagolla Edde Haytam Duudele.
Tah kaadu Cuggane Baaxoxa Lih Lino Fantaxaw nagay Diggosak Dariifa Fanataxaw Sittallih Akah diggosnannah Kaxxa Doori Allele.