Baaxo Muddaqiino Kee Dariifa Caabi
Addis Ababa,Ximolik 11,2018 (FMC) Itiyoppiyak Kalali Qande Baaxo Muddaqiino Kee Ummattah Amni Dacrisanamak Kalah Dariifa Kee IInkih Tan Afrikah Salaam Caabi Akkuk Macalta Kaxxa Qande Kinni.
Inkih tan aydaadi waktittel baaxoh mano taybulleeh tan ta xiso baaxoh addaa kee iro baaxoh caylitteh maysattakooki saduh ciggiilime sinni doori digirte.
Qandeh maqar kee margaqa ummattak aydaadul leh tan curriyyat fayxii kee Itiyoppiyah Agatay , agattiinaaniiy ummattah baxsa le gurral xissiime demokraasih rakiibok Macaltama
Itiyoppiyak Kalali Qande “Gira Silaacitte” Axcuk Yamixxigen, Baaxoh Cuduud Kee Qaran Gudgud Dacrisaanam Dibuk Hinnay, Baaxok Sarrimaane Le Daddos Diggossah Tan Maqarle Xisneh Xissimte.
Nabah yan ityoppiyah asqassaabe karawwad innah tan agat daddosih retteemat faxe qaynatih addaa kee iro maysattakak diggaluk dacrisoonuh aydaadi masquuliyyat kibta.
Qande awayih uddur sahdayti caylih aydakaakan, qasriino le qaskariyyoh silaacittee kee teknoloojih duddal kaxxa milaagitte kee qasriinoh addat geytimta.
Ta Institution Qasri Sinam Sinni Qaran Merraytitte Hinnay Diroonittey, Qeebi Jet Kee Qaran Dacayrih Teknolojih Xisneh Qaran Caylih Dudda Kaxxam Dadlisak Geytimta.
Inkinnah, Baddi Caylih Xisneh Sittat Angaaraw Lem Kee Qasri Sayber Maysattaka Akah Takkennah Abak Geytimta Oytitte Istiraateejih Abbinos Abak Geytimaanam Qaddoosen.
Baaxoh addah caylitte kaadu uddurtiino le qilsi silaacitteey, tankitte kee makaanized units, tonnah kaadu qimmoh addah oyti kee oyti rakissot fooca fanah maqarroosen.
Ta Teknoloji kee Qaskariyoh Daddos Qaskar Baaxoh Addal Xayowak kee Madqak iroh Yan Angagoyih Bohoyitte Diggaluk Kalaloonuh kee Madqah Dacayri Dacrisanam Xiqsisse.
Al-shabaab innah tan qarkakisa buttaati inkih tan baaxol katassah tan bohoy daggoysaanam kee rakaakayal salaam kee saay ginaanamal kaxxa doori digirte.
Kooriyaay, Kongooy, Ruwaandaay, Suudan kee Somaaliyal gexsitak sugteh tan qaran kee baad caddol salaam dacrisaanamih missoynaanih addal kaxxa adabi kee dudda luk sugtem qaddoysen.
Baad Caddol milaagimak Geytima Geopolitical Caalat cubbit Haak, Ityoppiyak Kalali Qande Ni Baaxo Salaam Kee Daddos Gital Fooca Fanah Akah Gexannah Abtah Tan Kibal Leh Tan Kalali Qande Bisoh Axceloonum Yiysixxigen.