Silaacal Walalanam Tahak Lakal Itiyoppiyal Aydaadu Dubuk Tekkeh Raaqele-P/r Mesfen Araya

Addis Ababa,Ximolik 16,2018 (FMC) Silaacal Walalanam Tahak Lakal Itiyoppiyal Aydaadu Dubuk Tekkeh Raaqelem Agaarad Komishinik Naharsi Komishiner P/r Mesfen Araya Qaddose.

Inkih Tan Baaxo Caddok Tewqe 4Alfi Takke Mabbalowenit Ditelik 8/2018 Xabba Haanam Gexsitak Sugte Baaxo Caddoh Koboxuk Alfenti Taddera Gexsitak Geytimta.

Naharsi Komishiner Tama Aracal Tatruse Farmol Iyyemihi :- Taturte 46 Ayroh Itiyoppiya Ajenda Abak Maxxat Lennal Edde Angaluk Sugen Koboxut Tengele Maritteh Gadda Gacse.

Tama Walalal Tengele Maritte Elle Qaddosennal, Tatreh Yan Walalal Yumbulleh Yan Kacanu Kee Massakaxxa Itiyoppiya Baxsa Lem Kinnim Baadal Tumbuluyeh Tanim Qaddoosen.

Tama Mabla Itiyoppiyah Xaylo Fayxi Kee Walal Abtek Xalu Geytam Duddam Barisseh Tanim Kinnim Yiysixxige.

Taham Baaxoh Addal Dibuk Hinnay Afrika Kee Baad Caddol Tuxxiq Le Abak Raag Xayoosak Geytimam Kassiisak, Silaacittet Yaabaanam Away Itiyoppiyal Taturteh Tan Caagiida Kinnim Yiysixxigen.