Baaxoh Caddoh Mabbalow Ni Baaxok Yamaate Waktih Saami Sittallih Elle Daffesnam Aydaadi Mafdaga -Caxah Abba Tagese Chaffo
Addis Ababa,Ximolik 16,2018 (FMC) Baaxoh Caddoh Mabbalow Ni Baaxok Yamaate Waktih Saami Sittallih Elle Daffesnam Aydaadi Mafdaga Kinnim Federashion Malah Buxak Caxah Abba Tagese Chaffo Qaddose.
Caxah Abba Tagese Chaffo Baaxoh Caddoh Mabbalow Assakat Lennal Gaba Kalem Wagsiisak Inkih Tan Itiyoppiyah Xayloh Unkaqiino Farmo Tatruse.
Caxah Abba Tatruse Unkaqiino Farmol Iyyemihi :- Ta Kobox Itiyoppiyak Yamaate Waktih Rakiibo Sittallih Elle Daffesanam Duudan Kaxxa Gudguduk Sugtem Yescesse.
Ta fayi gexsitik lafale hadaf ni baaxoh addal xer waktih bood raceena tekkeh tan rakiiboh tan agat caagiida walalil fidga geyaanam kinnim qaddoyse.
Ta Mabbalow Itiyoppiyah Aydadd Qimbih Addah Amolladi Gudgud Kinnim Kinnuk Baxsalem Yescesse.
Ummattah Awlaytiitih Malah Buxa teyyeeqeh tan Kukta Ixxima 1265/2014 Ugut Abak Federal Doolatak Currik Malakmisa Dagar Akkuk Xissimteh Tan Itiyoppiyak Agatak Fayi Komishinik Gaanun Gitaak Fayi Gitaak Gexsitak Geytimam Kassiise.
Ta komishin taama qimbisem xabba haanam dacarsittoh xiinay, buqre abaay, sayyoy, qunxaaneytay, xagar dig le marittey, diini exxaaxiy, siyaasâ misoynaaniiy, ayyunti eglaaliiy, kee diyasporaay, daqoorit kee kebeles fanah baarle taama abeh yanim qaddosen.
Ayyunta kee wagitah yan xagarittek kobxisen ajenxal rakitak baxisen bacra kaxxa agat caagiidal salaam kee demokraasih gital baarle fayisiyal sitta geyeenim inkih tan baaxok 4,000 daga takke gabat agleenit inkih tan baaxok tewqeh tanim Yiysixxige .
Tahala Cayla Kee Carbi Siyaasa Raaqisak Taqabitteh Daffa Iyyenih Elle Walalak Fidga Akah Geyan Innah Abenim Kaxxa Celallo Kinnim Yescesse.
Ta Fayitte Fooca Fanah Boliisih Milaaguuy, Doolat Dastuur Kee Institutionitte Milaagitte Kee Sarimanele Wagari Kee Agat Caddol Sittin Gey Akah Aban Innah Abak Geytimaanam Qaddoose.
Ta fayisiyak lafale hadaf kimaalih aydaadi digloytah daylisaanam kee salaam kee leedale baaxo ciggilta horah tabsaanam kinniimih taagah inkih tan ityoppiyah ayyuntaay, siyaasâ caylittee kee doolat xagaritteh fayi xalootitte ikoytiinu beyaanam kee abtol akah korsan innah seeco xayyoosen.