Dul Ellaasah Daqaaral 2 Alfiiy 800 daga Yakke hiktaaral Karma Buqre Akkuk geytima

Addis Ababa,Ximolik 19,2018 (FMC) Gabbi Rasuk Dul Ellaasah Daqaaral Ayyuntak Maaqiddi Kibal Diggoowuh Ummattah faxxiimah yan Qokol kee Uguugus Abak 2 Alfiiy, 800 daga Yakke hiktaaral Karma Buqre Akkuk geytimtam Daqaarak buqre kee Gino gaddih Daddoosih kutbeh Baxa Saqal Gifta Macammad Qasker Daddoyse.

Ayyunti Karma Buqret waktil Antafaquk Xaloot edde kah geyannah Akamal Uguugusuy, gulgulusso kee faxximtah tan mansoofah qokol Abak baxaabaxsa le murtitte Axcih Mashoy,Teefiy, Qadammo kee kalah baxaabaxsa le Murtitte Abqaruk Ayyunti taama bagul geytimam baxxaqise.

Tonnah Kaadu Taama sinnih yan qunxaaneyta Doolat kee meqem Abittoh Eglaalit Cattiimak Muuzuy, Basal kee Barbare buqrel eglaalih xissiimak kah taamitan innah Abak qunxaaneytak Mano milaagaanamih taama Akkuk geytimta qaddoyse.

Tama Aracal Yaabisneh Nan Buqraaba Karma Buqreh Waktil elle Bicsitak maaqiddak sinni Xiqoonuh Baxaabaxsa le Dariyyitte Abqaruk taamitak geytimaanam Diggoysen.