Itiyoppiya Sissikiih,Maqar kee Kullim Tasgalle Qidaddo Xissam Foocah Heele – Naharsi Malaak Dr Abiyyi Acmad
Addis Ababa Ximolik 28/2018 (ENA) Itiyoppiya Sissikikh, Maqar kee Kullim Tasgalle Qidaddo Xissam Foocah Heele Naharsi Malaak Dr Abiyyi Acmad Qaddose.
Ni Baaxol Qimboh Adda Baxsale Buxaaxi Limoh Abudih Maqarroysiyyih Kambaani Xissam Xiqsiisa Aydaadi Mafdaga, Itiyoppiyak Agat Banki kee Baad Caddoh Maaliyyah Koporeshinilluk (IFC) Asaaku Abeenih Yaniinim Yescesse.
100biiliyeenih Itiyoppiyah Birrih Kappitaalah Xissimteeh, Baad Caddoh Maaliyyah Fanteenak 200Miiliyeenih Xolaar Leh Tan Ta Fanteena Banki Luddal Qado Lakqoh Tabaatabsiyyih Qeedal Sinna Raaqisak Inkih Tan Itiyoppiya Maadah Buxaaxi Limoh Abud Geysissa Fanteena Kinnim Qaddose.
Ta Qokol Fanti Caddoh Xissimtaah, Itiyoppiyah Xayloh Kunnabna Dacrissa 1.5miiliyeenih Buxaaxi Xayyossuuy, Maaliyyah Siiratih Addal Cankah Exxah Gabat Agle Baarisnuh Daffesneh Nan Hadaf Aracat Hayta Maaqatta Kinnim Baxxaqse.
Naharsi Malaak Tatruseh Yan Farmol Itiyoppiya Sissikiih, Maqar kee Kullim Tasgalle Qidaddo Xissam Foocah Heelem Yescesse.