Pagumme 2 Rakaakay caddol baxaabaxsale industri kee fabrikaakit gufne abak assakaxxuk geytiman
Addis Ababa,Pagummek 2,2018 (FMC) Sarrimaanele daddos baaxo saadah inta itrol yassakaxxen baagumek 2 haytoh ayro inkih yan Rakaakayak fayyale miraaciinuuy taama abeenit kee ayyunti exaaxi edde anuk milaaguuk gamadal tekke daddos fanteenaaniiy fabrikaaki kee industrittet gufne abak assakaxxuk maacisen
Pagummek 2 waynaboh awlaytiinol Rakaakayak giti daddoosih biirok naharsi saqala Amina seeko waynabo wagsiisaak elle qaddossennal asanatih baagume wayynabi baxsa elle lem agat mabbalow baaxoh caddol gexisak suge walal inkittino kee titin geyil edde yumurruqeeh qafar ummatta isih taysem aaxaguk foocah tet dadliseleemih kubaalal dooritte leeda missoynah mayso uddur kinnim qaddosseh.
Waynabo yassakaxxeenim duhuh migaq hinnay mango tuxxiq leeh baxsaluk tittalih aben aben taamak raqtem kee guftem tittalih edde cedaanaah mango abak raagitte tittak edde tabisan abto kinjim tiysixxigeeh.
Gufne edde abeenih yanin aroocalaay Rakaakay caddol takkem faxximah taturte xintootal matakka akak axcuk Rakaakay wadir raaqat akak sugeemik mangoomuy rakaakayah dadal takkeeh ayyuntah tuxxiq takkek milaagi doolatih gabat tekkeemik mangom yubleemim tiysixxigeeh.
Leeda missoyna kee massakaxxale naharsi saqal massakaxxale Cajji Awwal Qarbah miraaciinu kee meqe mablal ayyunti le baaxoh gaddat akah yantifiqennah yemcewwe afakanal Rakaakay dadalak kimal elle suge caddok mango maaqatta foocah gexeh yanim tiysixxige.
Kalifa Kadir