Itiyoppiya Brikis Awlaytinaanek Saami Fanah
Addis Ababa,Qunxa Garabluk 3,2018 (FMC) Itiyoppiya Brikis Awlaytinaanek Geyta Mango Tuxxiqitte Diggosak Foocah Haytuh Diggale Gabah Assagolla Abak Geytimta.
Brikis Koboxu Itiyoppiya Isi Caagid Isi Afaak Baad Ayyuntah Akah Taysabbennah Abtam Duddemik Muxxi Mango Saamitte Bahtam Duddam Kinni.
Itiyoppiya BRICS Adoytiinu Geytam Diplomaasih Angaaraw Dibuk Hinnay Qidaddooy, Tellemmo Kee Investimentih Qusba Saamitte Bahta .
Naharsi Malak Abiy (Dr.) Hindik New Delhi Magaalal Gexisak Geytima 18hele BRICS Miroctih Daffeynal Angaluk Geytima.
Itiyoppiya BRICS Daffeynat Gabah Assagolla Baad Caddol Leh Tan Diplomaasih Angaaraw Diggoysaanam Dibuk Hinnay, Qidaddo Tuxxiq Akah Baarisan Innah Saami Gintam Kinnim Yiysixxigen.
Ta Koboxul Gexsitak Geytima Walal Kabxaay, Maaliyyaay,Teknolojiy, Investementi Kee Daddos Luddal Qokolih Saamitte Ginoonuh Cato Lem Kinnim Warsen.
Itiyoppiya BRIKSIH Adoytiitih Tan Baaxooxa Lih Leh Tan Kabxah Angaaraw Baarisak Iro Baaxoh Qadaagah Affaf Akah Geyan Innah Saami Geyteh Tanim Tamixxige.
Baxsaluk inxastariy,Buqreey ,Caylalay , teknoloojii kee rakiibô daddos sekteritteh addal kaxxa investimentih saamitte geytimta.
BRIKISS Xakabuh Tan Daddos Maaliyyah Institutionitte Kee Adoytiitih Tan Baaxooxa Maaliyyah Dudda Itiyoppiyak Daddos Cugaysoosah Ossotinah Maaliyyah Doorititte Xayyoosele. Taham Gitaay , caylaay, lee kee inxastarih cugaysoosa yaysiisoonuh kaxxa doori digirta.
Tama Konferensil Yeceh Yan Yaabal, Naharsi Malak Abiy Acmad, Afrika Maqaadin Gaddat Gadda Lem Kee BRICS Adoytiitih Tan Baaxooxa Kapitaalay,Teknoloji Kee Qadaagah Saamitte Lem Kassiise.
Itiyyobiya Maqdiin mayyaaqaay, Yaqusbuseenim Xiqan Elmoo kee Dadalak Geytimta Sanaqatta Duddal Rakitak Qokol Ginoonuh Bical Geytimtam Yiysixxigen.
BRICS Egla Itiyyobiyak Baxaabaxsale Gaddi Duddite Yantifiqenim kee Qado Duyyeh Nihir Osisoonuh Kaxxa Saami Ginele.
BRIKS Itiyoppiya Isi Daddos Fayxi Kee Afrikah Fayxi Baxaabaxsa Le Baad Caddoh Gudgudul Taybulle Ossotinah Gudgud Xayoosa.
Ta Gudgudul Gabah Assagolla Itiyoppiyak Afa Angaarawih Dooritte Baarissuh Kaxxa Doori Digirta.
Itiyyobiya Ta Gudguduk Geyte Kabxaay, Investementiy, Teknoloji kee Maaliyyah Saamitte Xaloota Daddos Xalootut Milaagimak Buxah Addah Taama Abak Geytimtam Kee Foca Fanah Tah Abak Geytimta.
Itiyoppiya BRICS Adoytiinu Dibuk kunnabnale Ammunta Hinnay, Qidaddo Saami Numma Daddos Fanah Korsoonuh Ayfaf Taceh Tan Istraateejik Tan Sittin Gey Kinnuuk, Fayya Le Caddol Taamitnam Kee Tet Raatitte Diggosnam Faxximta.