Taaliyan Carbi Donikitte Qasa Bad Fanah Rubelem Tiysixxige

Addis Ababa,Qunxa Garabluk 8,2019 (FMC) Taaliyan Qasa Badal Angagayyuk Geytimta Donikitteh Amni Dacrissuh Baabul Mandab Tellemmo Gita Fanah Carbi Donikitte Rubelem Qaddosse.

Taaliyanak Kalali Qandeh Malaak Giydo Kerosito Elle Yiysixxigennaha:-Cuuti Qasa Badih Dariifal Abak Geytima Angagoyyak Ugut Abak Taaliyanak Tellemmo Donikitte Bohoy Addat Culteh Geytimam Yescesse.

Qasa Badal Tangayye Donikitte Currik Tangagayyem Duudewaytek Baad Qidaddo Bohoy Addat Radelem Asacsuuk:-Room Tellemmo Donikitteh Amri Dacrissuh Awrobbah Eglak Tamate Margaqa Qambaalewaytamat Yaabe.

Qasa Badih Amni Dacrisnuh Duddale Bical Geytimna Axcuk Yescessenim Kee Al Jazeera Elle Qaddossennal Room Baddi Cayli Kee Carbi Doonik Qasa Badih Addal Fooca Fanah Tellemmo Doonik Dacrisoonuh Akah Takkennah Abak Geytimaanam Qaddoosen.

Taaliyaan Qasa Badih Gitaak Kaxxam Tellemmo Abak Geytimta Baaxooxak Tiyak Teyna Kinnim Kee Ta Tellemmoh Gitaak Kaxxa Hangi Taceem Faxximta Baaxooxa Kinnim Yescessen.

Jabuutiy,Eretra Kee Yaman Yasgorowe Qasa Badih Giti 12 Ilaa 15 Gaba Gufta Baadak Tellemmo Elle Aban Dariifa Kinni.

Cuutih Gaadule Qasa Badih Xaqul Geytimta Baddi Qaxih Dariifa Kee Istraateejik Fordaadi Lowsis Abak Geytimtaamih Taagah Taturte Ayyaamitteh Addat Qasa Badih Saay Kee Kabxah Doonikih Amni Bohoyut Culteh Geytimta Axcuk Baxxaqsen.