Ameerika Iraan Maysattakat Finqitteh Tan Rakiibo Daddositteh Xisnel Assuwayta 5Billiyonih Dorraih Funxi Xayyosse

Addis Ababa,Qunxa Garabluk 12,2019 (FMC) Ameerikak Baddi Qandeh Dolatitteh Uwwaytuh Tan Iraan Maysattakat Finqitteh Tan Rakiibo Daddositteh Xisnel Assuwayta 5Billiyonih Dorraih Funxi Xayyossem Qaddosen.

Trump Doolat Elle Tiysixxigennala Aygadad Taamah Xisne Baxsaluk Iraan Kee Ameerikah Carbih Uddur Iraan Finqisse Rakiibo Daddositteh Xisne Rakiibo Daddosih Caylitte Edde Anuk Aban Xisne Cayli Amni Akah Dacrisan Innah Abeloonum Yescessen.

Ossotinah Ta Qokolu Hormoz Tabeenah Alfim Edde Anuk Ni Baaxol Faxe Sababah Cayli Xayyos Akah Aynukusewannah Abaanam Kinnim Baxxaqsen.

Baxsaluk Anni Baaxooxa Qokol Akah Yaysukumen Innay Kee Manni Cayli Daddos Naharsiino Akah Yaceen Innah Walal Gexsitak Geytimam Qaddosen.

Tama Margaqa Ta Baaxooxak zeyti Kee Cayli Xayoosih Amni Dacayri Akah Yakkennah Abaanam Faxximtam Takkay Ikkah Fanti Macak Cayli Xayoosih Taqabitte Maytanih Calli Akah Geytannah Abaanam Xiqqimtam Qaddosen.

Tirampi Xinto Iraan Kee Ameerikah Fanal Geytimta Qeebih Qokol Ameerika Gaddi Baaxooxah Angaaraw Diggossam Xiqtah Axcuk Wall Street Journal Xaagi Qawa Qaddosse.

Iraan Addal Ameerika Kee Israil Fanal Yekke Carbiik Lakal Iraan Ameerikah Qande Elle Geytimta Baaxooxal Caylih Daddos Maysattakooki Abtem Tamixxige.

Saqud Qarabiya, Kutar, Tengele Qarab Emaraat, Urdun, Bahrein, Kee Omaan Iraan Maysatakak Gexxaamah Daddos Caddol Kaxxa Taqabi Elle Boodeh Yan Baaxooxa Kinnim Yascassen.