Itiyoppiya Anxaxin Raatih Tadderah Xinisso Dacrisanamal Baar Le Taama Abte-Prezdenti Tayye Askesillase
Addis Ababa,Qunxa Garabluk 14,2019 (FMC) Itiyoppiya Anxaxin Raatih Tadderah Gaadul Coox Daabisanamak Kalah Gino Dacrisanamal Mango Taama Abtem Prezdenti Tayye Askesillase Qaddose.
Prezdenti Tayye AtsekSelassie Miracisah Yan Fayale Caddoh Butta Awayih Uddur Niyorkil Gexsitak Geytima Galli Maroh Eglak Amoladi Daffeynal 81 Heele Daffeynal Angaluk Geytimta.
Pirezdanti Tayye Tama Aracal Tatruseh Yan Farmol Iyyemihi :-Itiyoppiya Taturte 8 Sanootah Hawa Milaagih Taqabi Yaynukusoonuh Anxaxin Tabna Taddeera Abbinoysak Geytimtam Qaddoose.
Ta Tadeera Dariifa Dacrisoonuh Kaxxa Doori Digirtem Kassiisaak Itiyoppiya Aham Fanah 56 Biliyooniik Daga Takke Coox daabisaanam Duudeenim Yiysixxige.
Pirezdanti Tayye Itiyoppiya Sissikuk Dadalak Geytima Dijital Siiratat Antifiquk Ta Luddal Mango Taamoomi Abak Geytimtam Kassiise.
Tama Luddal Ixxiga Kee Duddi Aydakakanay Sehdayti Cayla Akah Hadalan Innah Mango Taamomi Tekkem Kee Tamahal 5Milliyon Koderis Aydakakanih Taddera Celallo Kinnim Yescesse.
Tahak Ugut Abak Itiyoppiya Artifishaal Intelejensih Daddoosul Hangi Akah Yaceen Innah Abak Geytimam Kee Artifishaal Intelejensih Jaamiqat Xayi Udduurih Addat Taama Qimbiselem Kassiise.