Dariifa Daddos Fanteena Abta Itiyoppiya Kee Somaaliya

Addis Ababa,Qunxa Garabluk 19,2019 (FMC) Itiyoppiya kee Somaaliyah Fanal Diggoowak Geytima Namma Baaxoh Fantaaxaw Dariifa Salaam Kee Milaagi Qokoluh Kaxxa Doori Digirak Geytima.

Namma baaxo cuduud dubuh hinnay af kee qaadaay, diini kee qaadaay, tonnah kaadu maqar le ummattah kee ummattah angaaraw kee ayyuntiinô fantaaxaw leh tan cuggaane kinni.

Namma Baaxoh Fanal Baxabxsale Uddurah Taqabi Sugem Takkay Immay Gubak Dagal Nammay Takko Radmoomil Rakitak Dariifa Fanataxaw Nagay Diggosaanam Elle Duudan Qusba Mafdaga Diggosak Geytiman.

Namma Baaxo Salaam Kee Saay Luddal Baxsa Luk Qarkakisa Kalalitoonuh Sitta Lih Abak Geytiman Maacal, Al-Shabaab Innah Tan Qarkakisa Buttaati Kokoosak Ken Baaxoo Kee Dariifal Sugte Qarkakisiyyih Qawwalayla Bayisaanam Duudeenim Yiysixxigen.

Itiyoppiya Somaliyal Salaam Dacrisoonuh Taturte 20 Sanootah Addat Isi Rooci Fida Abak Nummale Qokolul Kee Kataysiinu Diggosse.

Itiyoppiyak Salaam Dacayrih Cayli, Afrikah Inkiino Kee Galli Maroh Eglah Margaqooqi Ugutak, Qusba Somaaliyah Qokol Kee Xakak Waktih Missoynah Gubat Raqtah Tan Salaam Dacayrih Dirki Fooca Fanah Abak Geytimaanam Yiysixxigen.

Naharsi Malaak Dr Abiyyi Acmad Asaakih Ayro Somaaliyah Prezdenti Casan Sheck Macmuudu Boole Tayyara Booxal Garayyo Abe.

Namma Mirocti Abtuwaytah Tan walala Namma Baaxoh Fantaxaw Diggosaanam Elle Duudan Dariifa Caagidal Mabbalowelonu Axcuk Qambalan.