Samara Loogiyal Guubuh Geytimta Tigray Xaylo Luk Wakti Caalat Wagittamal Walal Gudgud

Addis Ababa,Qunxa Garabluk 20,2019 (FMC) Qafar Rakaakayih Qaasima Samara Loogiy Magaalal Guubuh Geytinta Tigray Xaylo Luk Wakti Caalatay Saay Kee Salaam Maqarroos Wagittaamal Walal Gudgud Samara Magaalal Gexsen.

Tama Gudgudul Samara Loogiy Magaalah Xiinissok Naharsi Saqal Injineer Acmad Nuur Saalim Edde Anuk Rakakaayay, Samara Loogiy Magaalah Xiinissok Fayya Le Miraaciini Edde Yengele.

Gudgudul Geytimeh Yan Samara Loogiy Magaalah Xiinissok Naharsi Saqal Injineer Acmad Nuur Saalim Iyyeemih Gersi Baaxoh Innah Qafar Rakaakayal Kinnaanel Gaadan Mari Anewaam Ascassuuk Samara Loogiy Magaalah Salaam Dacrisaanam Kulli Baaxo Baxih Dirki Kinnuuk Saay kee Salaam Darraqossam Xiqta Caagiida Kalalaanamal Isinni Masquuliyyatak Yawqeenim Faxxintah Tanim Kassiise .

Qafar Poliisik Daga Raaqa Miracsentih Amriseeni Komishieeer Bilqe Acmad Isi Le Katuk Abeh Yan Yaabal Shqbiyyah Geeraytu le Tekkeh tan TPLF butta Taturte 30 Sanootah Tigray Takku Itiyoppiyah Wali Qaynatih Milaagu Baahe Kalah Uxi Kinniih Reeda Goranah Itiyoppiya Salaam Waysiisak Geytimaanam Kassiisak Ta Bisle Naqboytiitik Niya Baxqisaanah Dariifa Salaam Dacrisaanam Faxxintah Tanim Yescesse .

Gifta Qabdu Muusa Rakaakayak Saay Kee Salaam Biirok Ciggiila Saqal Kinnuuk iyyeemih Salaam Iyyaanam Doolatak Dibuk Qambaalaanam Akkewaytam Kinnuuk Tigray Xayloy Samara Loogiyal Mannowtah iyya Dariifa Salaam Dacrisaanah Isinni kee Ken Toobokoh tan Qafar Ummattah Amni Xagtam Xiqta Angogoyyitteh Cubbi-Cabewaanam Faxxintah Tanim Diggoosenim Rakakayak Mangaffa Rettimah Oyti Yescesse.