Baadal 36 haytoh addaay Ni Rakaakayih Caddol 13haytoh addah yasaakaxxen Kasleh ayro Kasleh lakqo qokolitte abaanamal qimbisen
Addis Ababa,Qunxa Garabluk 30,2019 (FMC) Hanaawi kee sarrimaanele nagaytaniina idoolah meqe mano! Inta maxcol yassakaxxen baadak idoolah ayroh qaffayda sayyo kee ayyuntiino caagiidah biiro naharsi saqal buxaaxi gexak idoolah maali qokol baanamal qibmisen.
Ta qaffaydak amo gacsal gexisen walal gudgud yaabal fakteh tan sayyo kee ayyuntiino caagiidah biiro naharsi saqal gifti Asiya kamaal idolah ayro yasaakaxxen wak yassakaxxeenim ayro hinnay iddoolah takkem faxximtaamal edde malisaanaah sarrimaanele mano keenih elle yaysiisen Caalat elle keenih ginoonoh kasiit ayro kinnim Kassisen.
Idoola tayse manooy qaafiyataay ayfaf kee hanaawi geysiisaanam idoola inkih yan dagaral lehbtan gaaray keenih dacrisaanam faxximta kinnim Tiysixxige.
Ken yassakaxxeenim ken hanaawisaanah keenik yaabbeeniih kenik fayu beyak gaba keenih yabbixeeniih keenih takkem edde abak gexisan ayroy sarrimaanele hanaawih keenih takkem edde fiirisaana takkem faxximtam Yescessen.
Sayyo kee ayyuntiino biiroh caddol idoola kee barnaboytiitih caddo aaxaguk ken hanaawisaanaah ken qokolaanamal baaxo caddooy Rakaakay caddol inkih temcewweh tan hangisso abbinoosak idoola tayse mano akah geytannah taamitak geytimaanam tiysixxige.
Sayyo kee ayyuntiino biirok ayyuntiino langil biirok ciggiila saqalah tan gifti Nasro Qudda
Idoola hanaawisaanaah caddi kee caddo keenih yaaxigeenimil Rakaakay doolat yeceeh yan hangik fayyale xali geytimak yamaatem tiysixxige
Asaaku gexisan taddiira idoola hanaawisaanaah baxaabaxsale qokol ayfaf keenih abaanamal daqoorit caddol gexisak sugenim kee daqoorit caddol gexisak sugen taddiirak mango idoola faxxiima ayfaf geysiisoinuh macalak yemeeteenim tiysixxige
asaaku gexisan waynabooy baad caddol 36 addah gexisan kulli sanat qunxa garabluk 30 uh gexisan idoolah ayroh waynaboy daqooritil gexisak sugen taddiirak amoggacsa Rakaakay caddol asaaku akak abak sarrimaanele nagaytaniina idoolah elle massoonam xiqan gurral walalak tayse abato foocaffanah elle aban innat akak yawqoonu kinnim tiysixxige
Asaakih taddiral samara kee dariifal gaba dagoytiitih tan idoolah mango maali qokol abaanam xiiqimtem qaddosse
Agudgudul mabla teceeh tan maritteey Rakaakay caddol idoola hanaawi kee nagaytaniinal takkeh tan taama assakatlem kee foocaffanah diggoosak gexaanam faxximtaamih mabla yeceeniih
Awaynaboh taddiiral idoola nagay taniina kee gabadogiytit xaylo barisaanamih caddil meqe taama abteh tan maglab leela kee xagaritteh maali qokol kee faatit sumaqta acayuk idoolah ayroh waynabo meqe gurral tumurruqe.
Kalifa Kadir