Ekraarisnaah,Kaxxam Yaabekal Taamitnah Ellecabol Xaloot Ummattah Warisna- Dr Abiyyi Acmad
Addis Ababa,Qunxa Garabluk 30,2019 (FMC) Naharsi Malaak Dr Abiyyi Acmad Asaakih Ayro Boole Lemi Baxsale Qidaddo Dariifal Xissime Baxsale Maqaadin Saffosiyyih Cugayso Doqayse.
Naharsi Malaak Tama Aracal Tatruse Farmol :- Fabrika Xisneh Naharsi Hadaf Itiyoppiya Qasin Duyye Dibuk Rubtaah, Bicisseh Tan Murtittek Kaxxa Limot Akah Culan Innah Abak Geytimta Gexsit Kalalitaanam Kinnim Kassiise.
Ceelalloh, buni tellemmol, qasin buni iro baaxo beyaanaah, alfentaay, tokkeek mango adda fayyale mellebil qagitaak xaamaanama.
Tonnah Ekraarisnaah,Kaxxam Yaabekal Taamitnah Ellecabol Xaloot Ummattah Warisna Axcuk Kassise.
Ahak Afal Itiyoppiya Dahab Saffosekal Iroh Rubtawak Boolul 30 Gaba Waskak Loowak Bayteh Sugten ta gexsitit geytimtah tan caddo le mansoofa axcih lakqoo kee gersi gaalik tan biriita Bayak Sugte qusubih xissiime saffosiyyi ta taqabi afdigelem Baxxaqse.
Ta Fabrika Kulli Sanatal Illa 80 Biliyoonih Dollaar Fanah Iro Baaxo Rubtuh Kaxxa Dudda Lem Kassiisaak Afrikal Miraacisak Geytimta Fabrikaakit Tiyak Teena Kinnim Yescesse.
Naharsi Malak Abiy (Dr.) Elle Qaddosennalaay, Dahab Dibuk Hinnay Kalah Tan Luddal Kaxxam Culan Duyye Culusaanam Kee Yayyaaqeenim Yaysiiseenim Itiyoppiya Biso Fanah Abak Geytimta Safaral Kaxxa Margaqooqi Kinnim Yiysixxige.