Australiyal Geytimta Qafar Xaylo 78 Ximmoy 5 Milliyonih Birri Tayyaqe Qaafiyat Mansoofah Qokol Abte
Addis Ababa,Kaxxa Garabluk 3,2019 (FMC) Australial tan qafar diaspora Rakaakayak Qaafiyat Dacayrih foxo kiboonuh abeenih yanin qaafiyat mansoofah qokol qaafiyat biirol elle tabsen aracal ciggila perezdentih bilhadal ayyuntiino kilasterih saqalaay Qaafiyat Biiroh saqolti kee mango miraaciini elle geytime.
Taa aracal geytimaak qokol wagsiisak yab abeh yan ciggiila perezdentih bilhadal ayyuntiino kilasterih saqalaay qunxaaneyta kee sporti biiroh saqalah gifta Acmad ibraahim iyyeemih
Australial tan qafar xaylo isinni ummatta edde tan ceyah acsabuk abeenih yanin angagoyya kee abeenih yanin qokol- loonuh yanin qafariino goori kee isinni baaxoo kee ayyuntaay isinni kinnaaneh loonuh yanin caddi tablaase meqe abtoy kaxxam elle kaxxiinitaana kinnim qaddoose.
Away geytimte qaafiyat dacayrih mansoofa qafar ummatta kaxxam akak agxitak sugte mansoofay ummatta xeh edde kalalaanam faxximta kinnuuk sissikuk taamal assam faxximta yaanam iyye.
Amari abeh yan qokol raaqe marah ceelallo takke abtoy kalah tan dariifal tan qafar xaylo kataytam faxximta kinnum kassiise.
Australial tan qafar xaylo abteh tan qokol koobaahisseh tan Dr Intisaar Qabbaas ta qokol elle tabissekkel abtehbtan yaabal away geysiisen qokol baxsaluk qafar rakaakayal suge wayte qasbaxi kaqayloh mashinway 4takke qafar baaxook aki baaxo qasbaxi kaqayloh gexak sugte qafar xaylo xayikkel akah cattiiman innah kaxxa tuxxiiq allelem Tiysixxige.
Away aben mansoofah qokol 78.5 milyoonih birrih yawqem kee taqokol baxaabaxsale eglaalit cattimak kibxissem Australial tan qafar community kinim qaddoosaak edde tamaate merraytih mekla qafar community kee qaafiyat biiro tittalih gacak wadbissenim Tescesse.
Rakaakayak Qaafiyat Biiroh saqal Gifta Yaasiin cabiib tama qokol elle tabsekkel tatruseh yan farmol away tabsen qokol mansoofa mango qaynatah tanim kee baxsaluk ICU kaqaadidiiy angayyuk edde taamitan exry edde anuk mango mansoofay away qokoluh geytimteh gadda Gacse.
Away qaafiyat caddol takke taamoomi duma elle sugtennak mangoomuknaysuk tamaate baxsaluk duma suge wayteemik kanser diwaataay tiro biyaakih dayli edde anuk duma aki dariifa akah gexak sugeenik mangom away dubte referaal hopital kee kalah tan hospitaalal qaafiyat ayfaf yaysegurral geytimam yiysixxige.
Away Australia l tan qafar baxsale gurral qaafiyat caddol cooci akak yanim anke kinnim isinni kasah acsubuk kaxxa agxe tan dialisis mashin absiisaanamal yucsubeenim inkih tan ummatta gadda elle keenih gacissa kinnim qaddoose.
Geytimteh tan qaafiyat mansoofaay kaxxam qafar qafar ayyunti akak taqabak suge daylih alootay sissikuk ayyunta matartam faxximta kinnim aaxaguk tasaaqataak xabba haanam akah faxximta taamal asisak taama akah edde qimbiaan innah abeloonum yiysixxige.
Kalifa Kadir