Asaaki Macsenta Nammay Hayto Cata Qunxaaneyta Kee Qunxaaneytak Qaafiyat Malâ Buxah Kobox Samarâ Magaalal Gexsite.
Addis Ababa,Kaxxa Garabluk 10,2019 (FMC) Tama Taddiirah Aracal Rakaakayak Ciggiila Perezdintih Bilhadal Ayyuntiinô Kilasterih Koobahise Kee Qunxaaneytay, Qaaday Kee Sport Biiroh Saqalah Yan Massakaxxale Acmad Ibraahimiy, Qaafiyat Biirok Saqalah Yan Massakaxxale Yaasin Cabiibiy, Sayyó Kee Ayyuntiinô Caagidah Biirok Saqláh Tan Gifti Asiya Kamaalay, AYH Malâ Buxak Prezdentih Yan Gifta Macammad Cummaday Baxaabaxsale Qunxaaneyti Xisoosah Saqolti Kee Awlaytiitiy, Baxaabaxsale Daqooritik Temeete Sayyó Kee Qunxaaneyta Edde Tengeleh Sugtem Tamixxige.
Cata Qunxaaneyta Kee Qunxaaneytak Qaafiyat Yaysiisenimiy, Keenit Boodda Taqabitte Kalalaanam Kee Calli Yaceenimiy Tonnah Kaadu Ta Qunxaaneyti Kulli Dariifak Yemeete Qunxaaneyta Kinnuuk Abak Raag Sittat Tabaatabsaanamay, Mabla Sittat Tabaatabsaanam Kee Qunxaaneytah Tayse Caagidal Elle Malisan Gudgud Kinnim Tamixxige.
Ta Gudgudul Geytimak Yab Abteh Sugtem Rakaakayak Ciggiila Perezdintih Bilhadal Ayyuntiinô Kilasterih Koobahise Kee Qunxaaneytay, Qaada Kee Sport Biiroh Saqalah Yan Massakaxxale Acmad Ibraahim Kinnuuk Iyyeemih Edde Nan Milaagi Waktih Addat Qunxaaneyti Doori Fayyaleeh, Qunxaaneyta Yaanam Qaafiyat Caagidak Mokocuh Yan Maraay, Ixxiga Tabisaanam Duudanah, Ummatta Uguugusnam Duudanam Kinnuuk Ummattak Mabla Milaagak Geysis Kee Uguugus Taama Digga Hayteenih Foocah Haytaanam Amaana Siinik Axce Axcuk Farmo Tatruse.
Qaafiyat Biirok Saqalah Yan Massakaxxale Yaasin Cabiib Iyyeemih Qunxaaneyti Esseroora Rakaakay Doolat Gacisak Gexaah, Qunxaaneyta Sinnim Takkem Duddam Matanaamal Naamineeh, Qunxaaneyti Qaafiyat Uguugusih Caddol Kaxxa Doori Loonum Kinnuuk Kulsale Taamoomi Abak Yemeetenih Uxih Mango Taama Siinik Qambaalenno Axcuk Yaabe.
Tonnah Kaadu Qaafiyat Malaakay, Qaafiyat Biiroy, Qunxaaneytay, Qaada Kee Sport Biiroy, Sayyo Kee Ayyuntiinô Caagidah Biiroy, Baxaabaxsale Qunxaaneyti Xisoosa Kee Meqem Abittoh Eglaali Cata Qunxaaneyta Kee Qunxaaneytak Qaafiyat Malâ Buxa Luk Cattiimak Elle Taamitak Gexaanam Duudan Gurral Feera Wara Haak Sittin Gey Abeenim Tamixxigem Rakakayak Qaafiyat Biiroh Oyti Yescesse.