Qafar Rakaakayak Doolat Angaarawih Biiro Itiyoppiyak Tellemmo Banki luk cattiimak inclusive Finance inkih yan ayyuntah inta mablal Baxabaxsale Ayyunti Exaaxih Tuced Gudgud Gexisen
Addis Ababa,Kaxxa Garabluk 20,2019 (FMC) Rakaakayak Doolat angaarawih caagidah biiro tellemmo bankiluk cattiimak gexisseh tan tagudgudut baxaabaxsale sekterwah taama abeenitiiy,ayyunti exaaxi, qunxaaneyta kee sayyo edde tengelem Qaddosen.
Ta gudguduk fakkenta abeh yan Doolat angaarawih biirok Naharsi saqal Gifta Macammad Qali Biqdo Agudgud akah faxxiimemik hadaf ayyunti inclusive financeik hadaf kee geysiisah yan saamik tuxiiq kee addaffakoot nagay Cedu kinnih tanim yiysixxige.
Inclusive finance away baaxo caddol qimbiseh yan gexsit ni ayyuntay dacarsittoh xiinah yanih kaxxa saami geysiisam xiqah yan gexsit Kinnuk eglaalih xissiimak edde yantifiqoonuh kaxxa Doorile kinnim Yescesse.
Qafar qunxaaneyti ismilaaguuy isi dariifa kee baaxo milaaguh abuud elle beyanna Inclusive financih gexsitit Edde Akah yantifiqennak tuced geyak qunxaaneyti taama sinnak taama ginaanamih fan akah gacannah aban macalak exxakteena kinnim Baxxaqse.
Inkih yan finansih gexsit abuud duma bankittek elle hiyak augen innak baxsaleeh sissik ayfaf geysiisam xiqa gexsitiy dacarsittoh xiina bankik faxxaamah abak sugteh tan taqabik mangom raaqisam xiqa kinnuuk sayyo kee qunxaaneyta isinni elle milaagaanam xiqan taamoomit afkanuk inkih yan Milaagi Taama Fanah Gacanam Elle Duudan Inna Kinni.
Tellemmo bankik Samara distirictik saqalah yan gifta Samiir Amaare inclusive finance hangi akah yaceeh yanim dacarsittoh xiina taysen manoh milaagu elle geytannal abuud geysiisak duddale ayfaf akah geytannah xiqsiisaanam kinnih tanim yiysixxige.
Ta gudgudul financi gabat agle baaxo caddol edde tan caddo kee rakaakayal akah faxxiimem wagsissa kutbeyta xayyoosak elle walalen.
Kalifa Kadir