5Heele Bàada Caddok Afrikak Ayyunti Qaafiyatih Konferesin Addis Ababal Arcibisoonuh Taakume Bicittek Gaba Kaleenih Geytiman-Dr Mekxes Daaba

Addis Ababa,Kaxxa Garabaluk 23,2019 (FMC) 5Heele Bàada Caddok Afrikak Ayyunti Qaafiyatih Konferesin Addis Ababal Arcibisoonuh Taakume Bicittek Gaba Kaleenih Geytiman Qaafiyat Malaakah Tan Dr Mekxes Daaba Qaddosse.

Qaafiyat Malaakah Tan Mekxes Daaba Addis Ababa Gexisoonu Waana Koonoy Heeley Baad Caddok Afrikak Ayyunti Qaafiyat Konferesin Akkuk Geytimta Gulgulusso Wagsiisak Mangaafa Retteemah Maybalaalaqa Tecem.

Ityoppiyak Konferesin Xaloot Gurral Arcibisoonuh Qaafiyat Luddal Lon Abak Raagitte Qaran Gubah Caddoh Xisoosa Fanah Baarisoonuh Kaxxa Fayda lem Qaddosse.

Afrikak Qaafiyat Luddal isinni Duddal Diggoosnuh Misso Kussaqay Teknoloojih Qaran Gubak Caddol Duddaluk Taamitak Qaafiyat Taqabitte Isinni Duddal Yafdigoonuh Dudda Gablusak Geytiman.

Tama Koboxu Ciggilta Kudok 14 ilaa 18 /2019 Addis Ababal Gexisitelem Ascassuk Tama Koboxuy 30Alfiy Daga Takke Maritte Edde Angalale Axcuk Qambaalan.

Afrikak Qaafiyat Muddaqiino Daabisnuh Teknoloojit Cattiimak Qaafiyat Faxximita Murtittey Qaafiyat Investment Qarangubah Caddol Baarisak Qaafiyat Miharatleelah Dudda Dadalisaanam Tama Koboxuk Lafale Caagida Akkalem Yescessen.