Afrikah Siyaasâ Missoynaanih Gaaboyna – Pan-Afrikah Inaytâ Magaalal
Addis Ababa, Kaxxa -Garabluk 27, 2019 (FMC) Inkih Tan Afrikak Inaytah Tan Addis Ababa 2hele Afrikah Siyaasâ Missoynah Kobox Arcibisseh Geytima.
Afrikah Eglaay, Gali Maroh Eglak Qidaddoh Komishin Kee Baxaabaxsale Baad Caddoh Institutionitte Daffeynah Tan Addis Ababa Baad Caddoh Konferensitteh Giti Fanteena Kee Konferensih Wacaysirih Ayyuntih Arac Tekke.
2hele Afrikah Siyaasa Missoynaanih Konferensi ” Dadal Xiinisaanam Siyaasa Missoynaani Afrikah Madduruk Fooci Xisne” Inta Mabla Adwa Maydon Kassitih Handagala Gexsitak Geytimaanam Warsen.
20 Daha Takke Baaxoxak Doolat Saqoltiiy, 80 Takke Barlamah Adoytit Kee Malaakitey, Tonnah Inkih Tan Afrikal Geytimta Siyaasah Misoynaanih Awlaytit Edde Anuk 1 Alfiik Dagga Takke Siyaasa Mirocti Edde Tengeleh Geytimta.
Ta Konferensil Siyaasah Misoynaani Dariifak Maddur Tabaatabsaay, Murtisiyaay, Qunxaaneyti Taama, Canka Sekteritteh Qokoluuy, Anxaxin Daddos kee Sanaqatootal Leh Yan Doori Fokkaqta.
Ta Konferensil Hadafa Afrikah Baaxooxah Fanal Sitta Lih Taamitaanamih Alhum Diggoosaanam, Demokraasih Siirat Xisaanam Kee Ta Dariifak Maddur Daddal Yasissikenimi Kinnim Qaddoosen.
Baxaabaxsale Mablooli Leh Tan Misoynaani, Sitta Lih Walal Kee Massakaxxal Rakiiboh Tan Gexsit, Baaxoh Maddur Dadlisaanam Kee Ayyunti Mano Aysiisoonuh Kaxxa Dudda Xisele. Taham Salaam Nihiritte Diggoosaanam Kee Fooca Fanah Sittalluk Angaaraw Le Daddos Hadfitteh Maqarle Rakiibo Daffeysaanam Catele.
Itiyyobiya Daddos kee Daddos Kaalibitte kee Makro Ikonomik Milaagul Isi Ayyuntih Mano Yaysiiseenimil Diggooweh Yan Aydakaakan Lemih Taagah Ta Konferensih Arcibisuh Itiyoppiya Doorimte.
Tannah tan koboxitte Afrika “Afrikah Taqabitte, Afrikah Calli” Iyyaanamih Madqal Rakitak Isi Taqabitte Isih Fidga Akah Aban Innah Abak Raag Kee Qaada Akah Dadlissannah Abak Geytimta.
Ta Konferensi Arcibissah tan Itiyyobiya Diplomasih Tuxxiq Kalah Taturte Sanootah Siyaasaay, Ayyuntiinoo kee Maduur Luddal Geyte Diggale Arac Xagtuh Saami Kinni.
Tah Itiyoppiya Taturte Sanootah Koona Maddur Rakaakayal Geyteh Tan Xalu Taybulleemih Saami Kinni. Daddos Luddal, Baxaabaxsale Kaxxa Cugaysoosa Abtol Abak Raag Tabisele, Koridor Daddos, Agat Daddos Ikraaro Agat kee Agat, kee Nabah yan Itiyyobiyah Asqassaabe Karawad, kee Afrikah Xayloh Ceelalo Akkele.
Itiyoppiya Medemer Doolat Miraacissa Gubat Abbinosseh Tan Daddos Cugaysoosa Kee Rakiiboh Qidaddo Kee Ayyuntiinô Tabaatabsih Rakiibo Daffesseh Tan Daddos Cugaysoosa Afrikah Xayloh Baritto Akkele.
#Ityoppiya #KaxxaBaaxo #KaxxaUmmatta #XexMabla