Gifta Kumera Wakjira Mangattina Manoh Dacayril Abe Taamal Acawa Geye
Addis Aabab, Naharsi-Kudok 18, 2018 (FMC) Itiyoppiyak Garabo Dubaalih Dacayrik Leena Dayrekterih Yan Gifta Kumera Wakjira Mangattina Manoh Dacayril Abeh Yan Xalu Le Taamah Tesk Konzerveshin Awradi Yeyse.
Gifta Kumera Londonul Gexsen Ta Acwah Taddeeral, Tama Langil Mano Siiratih Dacayrik Qimbo Mihratliik Ila Leena Dayrekteri Fan Abeh Yan Dooril Qarkayto Nagre Wiliyam Acwa Kaah Yecen.
Tama Acwa Taamal Suge Uddur Abeh Kaxxa Doorik Ossetinah Doolat A Xayi Udduuruuk Annah Ta Langil Yontocowweh Yan Hangil Tunkuttubeh Tan Xalootitte Kinnim Gifta Kumera Wakjira Faana Miidiya Korporeeshinih Qaddoose.
Anxarin Raatih Taddeera Kee Kalah Tan Mangattina Manoh Dacayrih Taamal Itiyoppiyal Bayti Bohuy Elle Luk Sugte Awash Parkih Innah Tanim Le Araca Fan Gacsaanamih Taama Tekkeh Taniimit Yaabe.
Baxaabaxsa Le Dariifal Dabboh Sugteh Tan Garbo Dubaalitte Kee Kimbir Gacisaanam Ossetinah, Ixxima Akak Ossimak Temeeteh Tanim Qaddoose.
Ta Langil 30 Sanataak Dagah Ayfaafay Yeceh Yan Tama Leena Dayrekteri:- Baxaabaxsa le Itiyoppiyak Agat Parkittel Abe Fayya Le Caddoh Kusaaqitte Tuxxiq Leh Tan Taama Abbinoose.
Baalel Dibuh Geytimta Wagaqitte Parkil Geytimtam Yismitem Kee Baad caddibnal Daaraanah Akah Tankuttubennah Abeh Yan Mihratli Kinnih Yan Gifta Kumera Kilbatti Dariifal Dakani Yanim Kusaaqissah Tan Butta Miraacise.
Ahak Ossetinah Baxaabaxsa Le Kusaq Taamoomi Abak, Itiyoppiyak Iroh Tan Baaxooxal Baritto Kee Aydakaakan Kattaate.