Iro Tellemmok 3 Ximmoy 37 Billiyonih Dollarih Culenti Geytime
Addis Ababa,Naharsi Kudo 25,2018 (FMC) Edde Nan Mixaniyyat Liggidih Addat Affara Alsak Iro Tellemmok 3 Ximmoy 37 Billiyonih Birri Iro Tellemmok Geytimtem Tellemmo Kee Dariifa Fantaxawih Malaak D/r Kasahun Gofe Qaddose.
Ta Malaak Rubqi Sanatal Geytimeh Yan Iro Culenta Wagsiisak Fokkaqissa Makado Ell Geytimak Gexsitak Geytimta.
Kassahun Gofe (D/r) Tama Aracal “Taturte Affara Alsih Addat Inkih Tan Sekterittel Tekke Taamomil Yambulle Xalu Geytimeh Yan” Axcuk Qaddoose.
Affaf Matatco Akah Yaqusbuseenih Yanin Innah Tekke Taamomil 1 Ximmoy 34 Milliyonuk Daga Onlinel Idni Yomcowweh Yanim Kassise.
603 Tellemmoh Exxaxil Inishetiv Taama Tekkem Ascassuk Tahak Addal 59 Takke Tellemmoh Eglaalil Maqatta Beenim Yescesse.
Gersi Kabuk Doolat Taama Abeenitih Qasbi Osiseenimik Ugut Abak Faxxime Sinni Lakqo Osissem Tan 106 Takke Tellemmo Abeenitil Maqatta Beenim Yiysixxigen.
Taturte Affara Alsih Addat Iro Tellemmok 2 Ximmoy 84 Billiyonih Dollar Akah Geytimannah Ekraarisak 3 Ximmoy 37 Billiyon Birri Geytime Kassise.