Qasabadih Qafarih Dimokraasih Missoyna, (RSADO) Afrikak Adam Baxi Ceelo Kee Sahdayti Cakkih Eglal xayyooseh Tan Malkit Wagsiisak Maybalaalaqa Tecee.
Addis Ababa,Ciggilta kudo 15,2018 (FMC) Qasabadih Qafarih demokraasih Missoyna, Asmara Xinto Qasabadih Qafarih ummattal bahtah tan ceele waytoh Malkit Afrikak Adam baxi ceelo kee sahdayti cakkih Eglal xayyosseh tanim kee Tama Malkitih Asmara Xinto namma alsi addat raddi akah gacissannah Abeenim Wagsiisak Maybalaaalaqa yeceen.
Qasa Badih Qafarih Demokraasih Missoyna Iritrah Doolat Qasabadih Qafarih Ummattat abtah tan Samad baysa kee Gubti nagra akah Soolissa Innah Baad ummatta ken xaqut akah soltannah esseren.
Qasa badih Qafarih Demokraasih Missoyna Addis Ababak Sharaten Addisil teceeh tan Maybalaalaqal: Asmara Xinto Qasabadih Qafarih ummattal abtah tan Samad baysaa kee gubti nagraay, Qaskariyyoh dirkisiyyaay, casbi kee baatil abto Farangi liggidih loowok 1993 xabba haanam Dankaliyah Dariifal abak geytimtam yeybeleeleqen.
Missoyna Teceeh tan Maybalaalaqal Qagitaak Elle tescessennal, Afrikak Adam baxi ceeloo kee Ummattah Ceeloh taamitta missoynal xayyoosen Malkit, oggol keenik geyteek gamadal baxaabaxsale Adam baxi Ceeloh Eglaaluk cattiimak baad ummattah ayti arkiseloonum Qaddoosen.
Qasabadih Qafarih Dimokraasih Missoyna (RSADO) Naharsi Saqal Ibrahim Harun Elle qaddoosennal, Qasabadih Qafarih ummatta isi guubul saay kee saalam geytuuy, Qasabadih Caraatal sabhal geytuh Qafar agatih Rakaakayih Doolat Kee inkih tan Qafar ummattaay, baxsa luk Massakaxxale Qafar Rakaakayih President Cajji Awwal Qaraba keenih abak yemeeteh yan Qokoluh Kaxxa Gadda Gacsa yaanam iyye.
Elle cabol Inkih Tan Qafar ummatta Xaqut keenik gacak Asmara Xinto guub cabsiisak geytimtah tan Qasabadih Qafarih ummattah xaqut akah gactannah Seeco xayyoose.
Abdulkadir Jamal