Dijital Itiyoppiya 2030 Estirateejik Xalootuh Oyti Xiinissoh Siirat Akah Yan Innah Abele – Dr. Werku Gachena

Addis Ababa, Ciggilta-Kudok 15, 2018 (FMC) Dijital Itiyoppiya 2030 Estirateejih Xalootuh Oyti Xiinissoh Siirat Akah Yan Innah Abelem Itiyoppiyak Artefishal Intelejensih Inistitiyutuk Leena Dayrekterih Yan Dr. Werku Gachena Qaddoose.

Dijital Itiyoppiya 2025 Estirateejik Amo Gacsa Kee Dijital Itiyoppiya 2030 Estirateejih Baxxaqisiyyih Taddeeral Dr. Werku Gachena Abeh Yan Addaffakootul:- Dijital Itiyoppiya 2030 Estirateejih Ikraaro Arac Akah Xagtannah Qusba Teknoloojitte Abbinoowele.

Tama Ikraarol Gabah Assagolla Leh Tan Teknolooji Dadal Diggossuh Faxximtah Taniimiiy, Ikraaro Arac Akah Xagtannah Ta Langih Tabtaabsah Abbinossah Tan Qusba Teknoloojitte Abbinoowleemit Yaabe.

Teknoloojitte Dijital Ekonoomi Missossam Xiqtaamaay, Doolat Xiinissoh Taamoomi Qasriino Akah Tallennah Abtam Kee Qusba Saamitte Hadaltam Kinnim Warse.

Itiyoppiya Kee Afrika Dijital Teknoloojitte Katayaanam Akke Wayteki Hadaleynitih SUge Wayteemit Yaabeh Yan Tama Leena Dayrekteri:- Dijital Itiyoppiya 2030 Estirateeji Teknolooji Hadalih Ikoytiinu Abbinowtam Xiqtah Tanim Yiysixxige.

Artefishal Intelejensi Kee Dijital Muddaqiinul Robotikis Estirateejih Ikraaroh Addal Abbinowak Geytimta Teknoloojitte Kinnim Ascassuuk, Tama Teknoloojitte Faynansil, Qaafiyatal, Buqreey, Manufakcheringiiy, Tellemmo Kee Kalah Tan Langittel Abbinowelem Qaddoose.

Ossetinah Artefishal Intelejensih Baaxol Baarisaanam Elle Xiiqimtah Tan Taamoomi Akkelem Ascassuuk, Xalu Le Oyti Xiinissoh Siirat Akah Yan Innah Abelem Yescesse.