“Fayda” Dijital Itiyoppiya 2030 Arac Akah Xagtannah le Doori

Addis Ababa, Ciggilta-Kudok 15, 2018 (FMC) Fayda Dijital Mamaxxaga Itiyoppiyak 2030 Estirateeji Arac Akah Xagtannah Kaxxa Doori Lem Agat Mamaxxagah Prograamak Leena Koobahiseh Yan Yodahe Arayasilasse Qaddoose.

Gifta Yodahe:- Fayda Mamaxxaga Dijital Itiyoppiya 2030 Estirateejih Le Doori Wagsiisak Addaffakot Abe.

Tahak Ugut Abak, Fayda Mamaxxaga Dijital Itiyoppiya 2025 Kee 2030 Estirateejil Maftacak Tan Rakiibo Elle Daffeeyteh Tan Caagiida Kinnih Tanim Yescesse.

Tama Mamaxxaga Bayometirik Leemih Taagah, Kulli Num Isi Kinnaane Akah Yalleh Yan Innah Abtam Kinnuuk, Cankah Oytitte Dacrisoonu Kee Ayfaafay Mexxataay Tonnah Sissikaaneh Kaxxa Doori Leh Tanim Yiysixxige.

Dijital Mamaxxagak Asmat le Ayyuntiinoh Oyta Rakiibo Abak, Agat daddoosih Ikraaro Kee Mizaaniyyat Madabah Kaxxa Doori Lem Kassiise.

Smartik Tan Doolat Xisneh Dijital Mamaxxaga Faxximtaamat Yaabeh Yan Gifta Yoodahe:- Baaxo Xaylo Faxxah Tan Alhun Sittin Gey Kee Kalah Tan Ayfaafayitte Isinni Silki Lih Elle Yasgoroowen Siirat Akah Yallennah Abtam Kinnim Qaddoose.

Federal Kee Rakaakay Xisoosa Sitta Akrayuk Yayse Gurral Fantaaxaw Akah Yallen Innah Abtah Tanim Yiysixxige.

Tama Koobahuse Elle Yascassennal 30 Miliyon Takke Itiyoppiyah Xaylo Dijital Mamaxxagah Maysaqarra BAeenim Ascassuuk:- Yamaate Waysi Alsih Illacabol 90 Miliyon Takke Baaxo Xaylo Maysaqarra Akah Abtannah Taama Akkuk Geytimtamat Yaabe.