Qafar Rakaakayak Giti Daddos kee Merrayti Biiro giti Langil lih taamittah tan Maglableela luk tatre 6 Alsih ekraaro kee Abbinos Wagittaamal Walal Gudgud gexsen

Addis Ababa,Ciggilta Kudo 21,2018 (FMC) Qafar Rakaakayak Giti Daddos kee Merrayti Biiro giti Langil lih taamittah tan Maglableela Axcih Rakaakayak Laqin Dariifah Manoh Maysaasah Cugayso ( LLRP),Itiyoppiyak Gititte Xiinissoh Abbotan kee Awra Goxana Cugayso luk tatre 6 Alsih ekraaro kee Abbinos Wagittaamal Walal Gudgud gexsen.

Rakaakayak Laqin Dariifah Manoh Maysaasah Cugayso ( LLRP),Itiyoppiyak Gititte Xiinissoh Abbotan kee Awra Goxaanah Cugayso Qusba gita bicsaanamay, Giti Dammiyo kee Ayqassaabe edde Anuk gita wagittaamal Mango taamoomi Abak geytimtam tamixxige.

Tama Walal Kulli Cugayso Tatre 6 Alsih ekraarok Abbinos gabbaaqu xayyosseek lakal baxaabaxsa le Mablooli kee esseroora elle Ugusak walalen.

Rakaakayak Giti Daddos kee Merrayti Biiro Saqla Gifti Amina Seeko Milaaguk Dumal Federaal Cugaysoosa Rakaakayittel Abtah tan taamah ekraaro Rakaakayittel Xayyoosak itta luk qokkolsimak Taamitaanamal Sugteh tan taqbitte Milaagi Doolat Massoysak, Federaal Cugaysoosay Rakaakayittel taamitta Elle taamitinnaan Rakaakayal ekraaro Xayyoysak itta lih qokkolsimak kah taamitannah yeceeh yan Afakaanaak ugutak takkeh tan taamak tah qembo kusaq kee walal kinnih tanim Kassisen .

Ta Cugaysoosa Abtah tan Taama kee leh tan ekraaro Rakaakayak giti Daddos kee Merrayti biirol xayoosak inkim kak Aaxaguk itta lih qokkolsimak taamiteenik takkeh tan giti taamoomi Tuh Adaf sinnim Maxxat luk Le Saaqatal Gabakalak Ummatta Faxxiimah yan giti Ayfaafay geytuh meqe doori Aallelem tescesseh tan Gifti Amina Seeko fooca Fan ta bisle walalitte diggoysak xaloot le taama takkuh itta lih qokkolsimak taamite loonum Yiysixxigenim Qafarak Mangaffa Rettimah Oyti Yascasse.