Itiyoppiya Kee Chayna sterategi Fantaxawitte Diggosonuh Sittin Gey Aben
Addis Ababa Addis Ababa,Agdabaxisso 1,2018 (FMC) 018 Itiyoppiya Kee Chayna sterategi Fantaxawitte Diggosonuy Sittin Qokol Yayse Caddo Fanah Akah Beyan Innih Bica Aben.
Chaynak Afa Caagiidah Malaakah Yan Wang Yi Itiyoppiyah Taama Gufneh Itiyoppiya Yemeteh Geytimam Kee D/r Naharsi Malak Abiy Acmad Kee Afa Caagiidah Malaakah Yan D/r Gideon Timothy Lih Walal Gexse.
Tama Walalal Namma Baaxoh Fanal Qidaddoy, Kabxaay, Daddos, Cayli Xayyos Kee Merraytuy, Tonnah Kaadu E-Kabxaa, Digital Maduur, Artifishaal Intelejensi, Kee Anxaxin Caylih Daddos Luddal Sitta Lih Taamitaanam Elle Maqarroosan Inna Caagiidal Mabbalowen.
Walalalak Lakal Namma Baaxok Iroh Caagidah Maloktit Sittallih Gacak Teyyeqe Maybalalqala Chayna Afrikak Qokol Foromul Tatrusse Margaqal Abtol Akah Asissannah Abelem Baxxaqsen.
Kimaalih ayro addis ababal gexisen chayna kee afrikah ummattah gudgud gineh yan meqe saamit antifiqquk baaxooxa qaada kee fanni gitaak ittat kah xayyowtannah taamiteloonum qaddosen.
Chayna Itiyoppiyal Abak Geytimta Baaxo Daddos Taama Kee Geyteh Tan Xalitteh Tossokotem Qaddosseeh, Itiyoppiyah Daddos Qokol Lem Kee Iro Baaxooxah Gabah Culsa Saddam Baxxaqse.
Namma Baaxo Daddos Poliisitte Kee Istraateejitte Sitta Lih Taamitak, Tonnah Ayyunti Xiinissoh Siiratal Abak Raag Tabaatabsak Sitta Lih Taamitoonuh Sittin Gey Aben.
Itiyoppiya Afrikah Gaysal Salaam Akah Yakkennah Chayna Abak Geytimta Qokol Gadda Gacissem Kee Chayna Isi Katuk Afrikah Baaxooxa Dariifa Sittin Gey Qokol Akah Diggowtannah Seeco Xayyosse.
Baxsaluk Baddi Gitih Wadbah Diggo Kee Logisitik Dadlisak Tonnah Inkiino Diggosak Dadal Bahanam Faxximtamat Yabte.