Afrikah Inkiino Kee Yunaytid Kingidem Estirateejik Qokol Diggoysoonuh Sittin Gey Aben
Addis Ababa, Agda-Baxissok 25, 2018 (FMC) Afrikah Inkiinoh Komishinih Saqal Macmud Qali Yuusuf Yunayitid Kingdomik Kommenwelth, Daddos Caagiida Kee Afa Caagiidah Malak Evet Kuper Lih Walale.
Tama Walalal Namma Dagorti Afrikah Inkiino Kee Yunayited KIngidem Fanih Qalla Yayse Gurral Diggoysaanam Kee Gaanuunul Miracsimta Mango Langi Le Baad Siirat Diggoysoonuh Akah Macaleeloonum Yiysixxigen.
Macmud Qali Yuusuf Tamakkel:- Yunayited Kingidemi, Afrikah Baaxooxa Lih Leh Tan Xer Udduurih Qalla Kee Baad Caddibnih Kaxxaam Yossokoote.
Baxsa Luk Tama Baaxo Afrikah Inkiinoh Adoytiitih Tan Baaxooxa Lih Qaafiyataay, Baritto, Rosqa Milaaguuy Tonnah Saay Kee Telemmo Langitte Edde Anuk Naharal Hangi Akah Yantacawwe Caagiidal Abak Geytimta Qokoluh Gadda Gacse.
Ossetinah Afrikak Biyak Kalalu Kee Lowsis Fanteena (Africa CDC) Qaafiyat Ayfaafayih Dudda Fayya Haytu Kee Afrikah Inkiinoh Salaam Dacayrih Farrimtoh Yossokoote.
Tama Malaaka Is Le Katuk Inteemih:- Baad Caddibnih Dipilomasiiy Tonnah Dariifa Salaam Kee Daddos Caagiidal Tama Inkiino MIraaciini Doori Kaxxaam Assakat Lem Tiysixxige.
Ossetinah Suudan Kee Saacil Dariifah Salaam kee Amaana Caagiidal Sittin Qokol Diggoysaanamaay Tonnah Somaliyal Afrikah Inkiinok Salaam Dacrisiyyih Farrimtoh Yakke Qokol Wagittaamal Walalen.
Namma Dagorti Afrikah Inkiino Kee UK Sitta Lih Fayya Le Estirateejih Daffeyna London Magaalal Gexisoonuh Sittin Gey Abeenim Tama Inkiino Tiysixxige.