Afrikah Inkiinoh Egla Kee Saquud Qarabiyah Fanat Yan Fantaaxaw Diggoosonuh Taamitak Geytiman.

Addis Ababa; Caxah Alsak 17,2018 (FMC) Afrikah Inkiinoh Egla Kee Saquud Qarabiya Fanat Yan Fantaaxaw Maqarroosak Salaam, Daddos Kee Diplomaasih Caagiidal Sittaluk Taamiteloonum Qaddoosen.

Afrikah Inkiinoh Komishinik Saqalah Yan Gifta Macmuud Qali Yuusuf Saquud Qarabiyak Afa Caagiidah Malaakih Xeetah Yan Walid Bin Qabdulkaarim El-Kahriji Miraacisa Erga Luk Addis Ababal Walale.

Saquud Qarabiya Kee Afrikah Fanat Yan Sarramaane Le Sittin Qokkoliyye Qarangubah Caddok Dadalak Yemeeteh Yan Investementitte Tonah Kaddu Dariifa Kee Baad Caddoh Diplomasih Addat Leh Tan Xisneh Kaxxa Doori Digrak Geytimam Qaddoose.

Saqud Qarabiya Afrikah Inkiino Lih Cattiimak Libiyay, Suudan Kee Somaaliyal Salaam Kee Saay Akah Yallennah Abak Geytimta Macalittel Saqud Qarabiya Abak Geytimta Diplomaasih Qokol Kee Gabah Assagolla Assakat Le Abto Kinnim Qaddoose.

Saqud Qarabiyak Ciggila Iroh Caagidah Malaak Walid Bin Qabdulkarim El-Kahri, Afrikah Inkiinoh Egla Qarangubal Daddos, Salaam Kee Mango Langittel Lon Sittin Qokkoliyya Miraaciini Doori Fayya Edde Lem Kassiise.

Afrikah Inkiinoh Egla Kee Saquud Qarabiyah Xer Dabaanah Yanih Yan Qalla Maqarroosonuh Taamitak Geytimaanam Qaddoose.

Namma Katuk Afrikah Inkiinoh Inkiino Kee Saqud Qarabiyah Fanat Yan Angaaraw Sittaliino Massakaxxaay, Kataysiinu Kee Istiraateejih Qokolul Rakitak Nagay Maqarroosaanam Faxximtam Qaddosen.