Ameeriak Kee Iraan Walal Gexxamah Qagitak Fayya Inte Siragle Lee Limo
Addis Ababa,Qado Dirri 15,2018 (FMC) Fanti Maacal Akkuk Geytima Israail Kee Ameerikay Iraan Carbi Uxi Kinni Diggo Luk Foocah Axcuk Geytima
Tama Dariifah Carbi Baxsaluk Siragle Lee Zeyti Kee Gino Gaaza Baaxo Qidaddol Gibdaabina Kataasak Geytimam Qaddosen.
Ameerikah Pirezdantih Yan Doonald Tiramp Kimaalih Ayro Ameerika Kee Iraan Fanal Walal Qimmiseh Yanim Qaddoosem Takkay Ikkah Iraan Pirezdantih Mabla Dirab Oyta Axcuk Kassise .
Tah Tannal Anuk Israail Kee Ameerika Iraanak Rakibo Daddosih Caylat Maysattaka Abtem Kee Iraana Gaba Gacsi Raddi Abtemit Yaaben.
Tahak Ugutak 10Gaba Booluk Ramma Inteh Sugte Inki Barmiilih Siragle Lee Zeytih Limo Asaakih Ayro 100 Dollarak Daga Guftem BBC Xaagih Raceena Tiysixigge.
Asiyah Baaxoxal Cayli Xayosiyyih Taqabi Afayuk Geytima Yescessenim Kee Tohuk gexxamah Limo Ossotina Ablaasuk Geytimam Baxxaqsen.
Iraana Hormoz Boyna Faktaamih Fayxi Allewaytamak Gexxamah Israail Kee Ameerika Iraanak Daddos Fanteenaanit Ossotina Maysattakaoki Abtem Cawlay Osisak Gexelemi Qaddosen.
Baad Caddol Boodeh Geytima Siragle Lee Xayyosiyyih Taqabik gexxamah Mangoh Tan Baaxoxa Baxabaxsale Cugadaadit Antifiquk Geytimta.