Ameerikak Qaran Cayli Jetti Haadisak Suge Paylet Catoonuh Abeenih Yanin Gorantoh Uddur Mangoh Tan Carbi Tayaayir Qidne -Iraan Qande
Addis Ababa, Qado Dirri 27,2018 (FMC) Ameerika Gabbi Qaxih Iraanal Radde F-15 Carbi Jettitteh Paylet Catoonuh Aben Macalal Mangoh Tan Carbi Jettitte Keenik Finqisne Axcuk Iraan Qande Qaddosse.
Carbi Jettitteh Addat Sugte Ameerikak Qaran Caylih Awlaytitik Tiyak Tii to Ayro Geytimem Kee Nammay Heele Paylet Kaadu Inki Ayroh Gide Gorrisak Sugeenil Lakal Geytime.
Ameerikah Qande Isikabuk Intemihi Paylet Giranah Ugutteh Temeete Qaskarak Fereey Takke Qakar Tayaayir Qideenimit Yabte.
Tama Maysatakat Namma C-130 Qaskariyyoh Merayti Tayyaara Kee Black Hawk Qaskariyyoh Helikopter Bayiseenim Iraan Qandeh Amriseenak Maxco Yabbixi Royteris Xaagih Raceenah Yiysixxige.
Qaran Caylih Adoyta Gorrisaanamih Taama Iraanak Sidiica Dariifal Gexsitak Sugtem Kee Iraan Qande Qiddeh Tan Carbi Tayaayir Wagsiisak Ameerikak Aham Fanah Hebleto Raddi Elle Maacinna.